Art&Argëtim

Gjykatësi i mohoi lirimin me kusht, Diddy mbetet në paraburgim/ Nga droga te 1000 shishet e lubrifikantit, ja çfarë u gjetën në shtëpinë e reperit

Një gjykatës federal i Nju Jorkut e la në paraburgim muzikantin të martën pasi prokurorët argumentuan se ai ishte një person me rrezikshmëri të lartë.

18 Shtator 2024, 15:24 Nga S.B
Gjykatësi i mohoi lirimin me kusht, Diddy mbetet në paraburgim/ Nga
Diddy

SHBA- Avokatët e reperit Sean "Diddy" Combs do të dalin në gjykatë të mërkurën për të kundërshtuar vendimin e gjyqtarit i cili i mohoi Combs lirimin me kusht, pasi ai u deklarua i pafajshëm në një çështje të trafikimit seksual. Një gjykatës federal i Nju Jorkut e la në paraburgim muzikantin të martën pasi prokurorët argumentuan se ai ishte një person me rrezikshmëri të lartë.

Combs u arrestua të hënën në mbrëmje, i akuzuar për drejtimin e një sipërmarrjeje kriminale të paktën nga viti 2008 që mbështetej në drogë dhe dhunë për të detyruar gratë të "plotësonin dëshirat e tij seksuale”. Një aktakuzë prej 14 faqesh e akuzon atë për shantazh, trafik seksual me forcë dhe transport për t'u angazhuar në prostitucion.

Nëse shpallet fajtor për të tre akuzat, reperi dhe producenti i muzikës përballet me një dënim prej 15 vitesh deri në burgim të përjetshëm. I pyetur nga gjyqtari i magjistraturës amerikane Robyn Tarnofsky se si dëshironte të deklarohej, Combs u ngrit në këmbë dhe tha: "i pafajshëm".

Avokati i Combs, Marc Agnifilo, tha më pas se ekipi mbrojtës i muzikantit kishte nisur tashmë një apel për vendimin e gjykatësit për lirimin me kusht. Sipas dokumenteve të gjykatës, Combs "ushtronte fuqinë" e statusit të tij për të "joshur viktimat femra... të përfshiheshin në akte seksuale të zgjatura" të quajtura "Freak Offs".

Në një konferencë shtypi, prokurori amerikan Damian Williams tha se zyrtarët gjetën armë zjarri, municione dhe më shumë se 1000 shishe lubrifikant gjatë bastisjeve në shtëpitë e Combs në Miami dhe Los Anxhelos, rreth gjashtë muaj më parë. Williams tha se agjentët federalë gjetën gjithashtu tre pushka gjysmë automatike me numra serialë të dëmtuar dhe një karikator.

diddy diddy combs

Sondazh

Poll

MË SHUMË