Aktualitet

Trafikonin drogë në Itali, në pranga dy të rinj shqiptarë, njëri prej tyre dëbohet

Aktiviteti i paligjshëm ushtrohej kryesisht në zonën e Flamina, kurse identitetet e tyre nuk u zbuluan nga policia.

18 Shtator 2024, 10:13 Nga E. D
Trafikonin drogë në Itali, në pranga dy të rinj
foto ilustruese

ITALI- Dy shqiptarë janë arrestuar në Itali, për trafik droge. Aktiviteti i paligjshëm ushtrohej kryesisht në zonën e Flamina, kurse identitetet e tyre nuk u zbuluan nga policia.

“Dispozita u vërtetua nga Autoriteti Gjyqësor i Gjykatës së Pesaros dhe të dy do të gjykohen javën e ardhshme”, thuhet në njoftimin e Kuesturës së Pesaro dhe Urbino, kurse aksioni është kryer në datën 14 Shtator.

Gjithashtu ndaj 20-vjeçarit është caktuar masa e sigurisë ndalim qëndrimi në provincën Pesaro dhe Urbino.  Ndërkohë ndaj 25-vjeçarit është propozuar edhe për dëbim nga Italia, masë të cilës tashmë i është nënshtruar dhe zbatuar në kufirin e Ankonës.

Rezulton se të rinjtë kishin hyrë me qëllim përfshirjen në aktivitet të paligjshëm, por nuk u raportua për sasi lënde narkotike të sekuestruara dhe detaje të tjera.

policia italiane

Sondazh

Poll