Bota

Veriu i Kosovës temë diskutimi edhe në Moskë/ Zakharova: Prishtina ka nxitur krizën, perëndimorët janë përgjegjës!

Gjithashtu Zakahova shprehu solidaritetin me serbët që jetojnë në Kosovë dhe u bëri thirrje organeve ndërkombëtare që veprojnë në zonë që të përmbushin siç duhet mandatet e tyre të marra në bazë të Rezolutës 1244 të Këshillit të Sigurimit të OKB-së. 

12 Shtator 2024, 21:20 Nga E. D
Veriu i Kosovës temë diskutimi edhe në Moskë/ Zakharova:
Maria Zakharova

RUSI- Zëdhënësja e Ministrisë së Punëve të Jashtme të Rusisë, Maria Zakharova, ka deklaruar sot se Perëndimi është përgjegjës për dështimin e normalizimit dhe krizën në Kosovë, sipas saj, të nxitur nga Prishtina. Gjithashtu Zakharova shprehu solidaritetin me serbët që jetojnë në Kosovë dhe u bëri thirrje organeve ndërkombëtare që veprojnë në zonë që të përmbushin siç duhet mandatet e tyre të marra në bazë të Rezolutës 1244 të Këshillit të Sigurimit të OKB-së. 

Zakharova pretendoi se gjatë bastisjes, policia e Kosovës përdori forcë joproporcionale, sekuestroi sende, dokumentacion dhe pajisje zyre dhe shfuqizoi qasjen e serbëve në shërbimet bazë në vendbanimin e tyre. 

“Përgjegjësinë e plotë për dështimin e normalizimit dhe krizën e nxitur nga Prishtina e kanë vendet perëndimore. Përfaqësuesit e misionit të BE-së në fushën e sundimit të ligjit në Kosovë në mënyrë rutinore, pa ndërhyrje, vëzhgojnë se çfarë po ndodh. Kryeqytetet perëndimore vetëm me ngurrim qortuan repartet e tyre në Prishtinë për ‘mungesë koordinimi’ dhe edhe një herë e bënë të qartë se ata nuk e vënë në dyshim ligjshmërinë e persekutimit të serbëve," tha Zakharova duke komentuar bllokadën e fundit të objekteve të institucioneve serbe në katër komuna në veri të Kosovës.

maria zakharova

Sondazh

Poll

MË SHUMË