Aktualitet

Esmeraldi veproi me të tjerë për vrasjen e të atit? Në telefonin e tij u gjetën kontakte me faqe eskortash, si e pranoi 30-vjeçari autorësinë e krimin e rëndë

Hetimet për vrasjen morën kthesë kur jashtë banesës së tyre u gjet një kasafortë e thyer. Në banesë jetonin viktima me gruan e tij të dytë pasi nëna e fëmijëve kishte vdekur.

4 Shtator 2024, 18:23 Nga r.ll
Esmeraldi veproi me të tjerë për vrasjen e të atit? Në
esmerald dhe enver balla

DURRËS- Krimi në familjen Balla ka tronditur ditën e sotme Durrës, ku 30-vjeçari, Esmerald Balla ka vrarë me armë zjarri të babanë e tij, Enver Ballën dhe më pas ja ka hedhur trupin në një pus në tokat e tyre. Sipas raportimeve dyshohet se 30-vjeçari ka pasur edhe bashkëpunëtorë të tjerë në kryerjen e krimit.

Hetimet për vrasjen morën kthesë kur jashtë banesës së tyre u gjet një kasafortë e thyer. Në banesë jetonin viktima me gruan e tij të dytë pasi nëna e fëmijëve kishte vdekur. Me ta jetonin edhe autori me bashkëshorten dhe dy fëmijët e mitur.

Kasaforta e thyer dhe mungesa e kursimeve të familjes orientoi policinë drejt një krimi të mundshëm në familje. Dyshimet u vërtetuan kur u zbulua se mesazhi i dërguar djalit tjetër të viktimës në emigracion ku i shkruhej se babai kishte nisur jetë të re me një grua dhe të mos e kërkonin ishte dërguar nga vetë 30 vjeçari Esmerald Balla nga një adrese false që ai kishte hapur pikërisht për këtë qellim.

Pasi u vendos para fakteve 30-vjeçari pranoi krimin dhe tha se kishte vepruar në gjaknxehtësi, pasi zbuloi se babai për shkak të marrëdhënieve që kishte me gra jashtë martese kishte prishur kursimet e shtëpisë, konkretisht sipas tij bëhet fjalë për një shumë lekësh pre 7 500 000 lekë të rinj. Ndërkohë policia nga këqyrja e aparateve celular të autorit ka zbuluar se ai ka pasur kontakte me faqe eskortash që ofrojnë marrëdhënie seksuale kundrejt pagesës.

enver balla esmerald balla vrasje ne durres

Sondazh

Poll

MË SHUMË