Bota

CIA për sulmin e planifikuar terrorist në koncertin e Taylor Swift: Të dyshuarit do të vrisnin një numër të madh njerëzish

Inteligjenca e ofruar nga agjencia autoriteteve austriake i lejoi ata të prishnin komplotin dhe të shpëtonin "qindra jetë", tha të mërkurën zëvendësdrejtori i CIA-s, David Cohen.

29 Gusht 2024, 17:57 Nga S.B
CIA për sulmin e planifikuar terrorist në koncertin e Taylor Swift:
Taylor Swift

AUSTRI- Agjencia Qendrore e Inteligjencës ‘CIA’ thotë se të dyshuarit në komplotin e dështuar në koncertin e këngëtares Taylor Swift në Vjenë, donin të vrisnin "një numër të madh" njerëzish në këtë ngjarje. Inteligjenca e ofruar nga agjencia autoriteteve austriake i lejoi ata të prishnin komplotin dhe të shpëtonin "qindra jetë", tha të mërkurën zëvendësdrejtori i CIA-s, David Cohen.

Cohen theksoi: Kishte dhjetëra mijëra njerëz në këtë koncert, jam i sigurt se shumë amerikanë. Planet e të dyshuarve ishin të avancuara.

Tre të dyshuar meshkuj adoleshentë u arrestuan në lidhje me sulmet e parandaluara, të dyshuara të frymëzuara nga grupi i Shtetit Islamik. Duke folur në një samit vjetor të inteligjencës jashtë Uashingtonit, Cohen tha se dita e arrestimeve ishte një "ditë e mirë për Langley", duke iu referuar selisë së CIA-s.

"Austriakët ishin në gjendje t'i bënin ato arrestime sepse agjencia dhe partnerët tanë në komunitetin e inteligjencës u dhanë atyre informacione se çfarë po planifikonte të bënte ky grup i lidhur me ISIS," tha zoti Cohen.

Rreth 200,000 njerëz pritej të ndiqnin një nga tre koncertet e Swift në Vjenë, pjesë e turneut të saj Eras në shumë kontinente. Më 7 gusht, një ditë përpara shfaqjes së parë, organizatorët e koncerteve njoftuan se shfaqjet do të anuloheshin pas një paralajmërimi rreth një "sulmi të planifikuar terrorist" nga zyrtarë qeveritarë.

Javën e kaluar, për herë të parë, Swift komentoi publikisht sulmin e planifikuar, duke shkruar në Instagram se anulimi i shfaqjeve në Vjenë ishte "shkatërruese".

taylor swift vjene cia

Sondazh

Poll

MË SHUMË