Aktualitet

Operacion anti-kanabis në Shkodër, gjenden dhe asgjësohen 2449 bimë të kultivuara

Zonat ku u gjetën bimët narkotike përfshijnë njësitë administrative Pult, Shalë dhe Postribë, Shkrel, dhe Shllak.

29 Gusht 2024, 11:54 Nga S.B
Operacion anti-kanabis në Shkodër, gjenden dhe asgjësohen 2449
pamje nga ngjarja

SHKODËR- Një operacion anti kanabis është zhvilluar në qarkun e Shkodrës. Mësohet se janë gjetur 2449 bimë kanabisi të kultivuara të cilat janë asgjësuar nga policia.

Zonat ku u gjetën bimët narkotike përfshijnë njësitë administrative Pult, Shalë dhe Postribë, Shkrel, dhe Shllak. Vijon puna për kapjen e autorëve.

Njoftimi i Policisë:

Qarku Shkodër/Megaoperacioni policor anticannabis “Territor i pastër”, asgjësohen 2449 bimë cannabisi.
Në kuadër të këtij megaoperacioni që ka si objektiva parandalimin, konstatimin dhe goditjen e veprimtarisë kriminale të kultivimit të bimëve narkotike, shërbimet e Drejtorisë Vendore të Policisë Shkodër dhe të komisariateve në varësi të saj, kanë vijuar intensivisht kontrollet në të gjithë territorin e qarkut. Gjatë kësaj faze të megaoperacionit:
-shërbimet e Komisariatit të Policisë Shkodër gjetën në territorin e njësive administrative Pult, Shalë dhe Postribë, dhe asgjësuan 606 bimë cannabisi;
-shërbimet e Komisariatit të Policisë Malësi e Madhe gjetën në territorin e njësisë administrative Shkrel dhe asgjësuan 531 bimë cannabisi;
-shërbimet e Komisariatit të Policisë Vau i Dejës gjetën në territorin e njësisë administrative Shllak dhe asgjësuan 1312 bimë cannabisi.
Vijon puna për identifikimin, kapjen dhe nxjerrjen përpara përgjegjësisë penale, të autorëve të kultivimit të këtyre bimëve narkotike.
Kontrollet vijojnë.

kanabis shkoder

Sondazh

Poll

MË SHUMË