Art&Argëtim

Festivali i Filmit në Venecia 2024/ Nga Angelina Jolie te Monica Bellucci, yjet zbresin në Itali (FOTOT)

Aktorja, regjisorja, producentja dhe tani stilistja zbarkoi në qytetin romantik, duke u dukur elegante me një kombinim minimalist.

28 Gusht 2024, 13:08 Nga S.B
Festivali i Filmit në Venecia 2024/ Nga Angelina Jolie te Monica Bellucci,
Jenna dhe Angelina

ITALI- Aktorja e njohur Angelina Jolie ka mbërritur në Itali në prag të Festivalit të 81-të Ndërkombëtar të Filmit në Venecia. Aktorja, regjisorja, producentja dhe tani stilistja zbarkoi në qytetin romantik, duke u dukur elegante me një kombinim minimalist.

Thelbi i look-ut të saj ishte një pallto Dior ngjyrë bezhë e lehtë me mëngë të shkurtra të palosura. Aksesorët e saj të vetëm ishin syze dielli të zeza dhe vathë të vegjël argjendi.

Festivali i Filmit në Venecia fillon ditën e sotme, më 28 gusht dhe do të zgjasë deri më 7 shtator. Gjatë aktivitetit shumëditor, Jolie pritet të marrë pjesë në një shfaqje të filmit të saj të ri, Maria, një dramë biografike për këngëtaren e ndjerë të operës Maria Callas.

Yje të tjerë që kanë mbërritur tashmë në Itali për festivalin vjetor të filmit përfshijnë Jenna Ortega, Monica Bellucci dhe Sigourney Weaver, si dhe presidentja e jurisë së këtij viti, Isabelle Huppert. Ndërkohë, emra të ndryshëm të tjerë të njohur, duke përfshirë Brad Pitt, George Clooney dhe Lady Gaga, do të shfaqen për të festuar projektet e tyre të ardhshme filmike në ditët në vijim.

angelina jolie venecia festivali i filmit ne venecia

Sondazh

Poll

MË SHUMË