Aktualitet

30 mijë euro për vrasjen e gruas, Gjykata e Prishtinës lë në burg Naim Murselin dhe bashkëpunëtorët e tij

Të akuzuar për vrasjen e Ademaj, janë bashkëshorti i saj Naim Murseli, i cili pagoi Kushtrim Kokallën për ta ekzekutuar dhe e inskenoi ngjarjen si grabitje.

26 Gusht 2024, 11:54 Nga I.A
30 mijë euro për vrasjen e gruas, Gjykata e Prishtinës lë
Liridona Ademaj dhe Naim Murseli

KOSOVË- Gjykata Themelore në Prishtinë ka vendosur të vazhdojë masën e paraburgimit për Naim Murselin, Kushtrim Kokallën dhe Granit Plavën edhe për dy muaj të tjerë, të tre të dyshuar për vrasjen e Liridona Ademajt. Të akuzuar për vrasjen e Ademaj, janë bashkëshorti i saj Naim Murseli, i cili pagoi Kushtrim Kokallën për ta ekzekutuar dhe e inskenoi ngjarjen si grabitje.

Granit Plava, ka dëshmuar më herët për policinë se mori 15 mijë euro nga Naimi për t’i vrarë bashkëshorten, ndërsa pjesën tjetër do e merrte pas krimit. Në deklaratën e bërë nga gjykata, thuhet se Naim Murseli i ka dhënë armën Granti Pllavës dhe e kishte inskenuar grabitjen.

“Ju informoj se të pandehurve N.M, G.P dhe K.K iu është vazhduar masa e paraburgimit për dy muaj me Aktvendimin e datës 23.08.2024, e cila masë do t’iu llogaritet nga data 26.08.2024 deri me datë 25.10.2024, nën kushtet ligjore të parapara në KPPK”, thuhet në përgjigjen e gjykatës.

Në fillim, më 3 dhjetor 2023, Gjykata Themelore në Prishtinë kishte caktuar një masë paraburgimi prej 30 ditësh për tre të dyshuarit, e cila masë ishte konfirmuar edhe nga Gjykata e Apelit. Ende nuk janë zbuluar motivet e vrasjes së Liridona Ademajt, e cila kishte nënshtetësi suedeze, bashkë me burrin e saj dhe dy djemtë e tyre.

liridona ademaj naim murseli kushtrim kokalla granit plava

Sondazh

Poll

MË SHUMË