Aktualitet

EMRI/ Humb jetën i dënuari në burgun e Rrogozhinës, nisin hetimet

Po ashtu drejtoria e Burgjeve thekson se Helshani trajtohej për hipertension dhe nivele të larta të yndyrave në gjak gjatë qëndrimit në burg.

26 Gusht 2024, 10:36 Nga I.A
EMRI/ Humb jetën i dënuari në burgun e Rrogozhinës, nisin
Foto Ilustruese

RROGOZHINË- Një i dënuar në burgune Rrogozhinës ka humbur jetën ditën e sotme. Mësohet se Erlad Helshani, i dënuar për prodhim të lëndëve narkotike, është gjetur pa ndjenja në dushet e burgut nga bashkëvuajtësit. Po ashtu drejtoria e Burgjeve thekson se Helshani trajtohej për hipertension dhe nivele të larta të yndyrave në gjak gjatë qëndrimit në burg. Ndërkohë që ngjarja po hetohet nga organet kompetente.

Njoftimi i Drejtorisë së Burgjeve:

Mëngjesin e sotëm, më datë 26 gusht 2024, në Spitalin e Rrogozhinës ka ndërruar jetë shtetasi i dënuar Erlad Helshani, i lindur më 23 shkurt 1981 dhe banues në Kavajë. Helshani u gjet pa ndjenja nga bashkëvuajtësit e tij, ndërsa po lahej në dush. Pavarësisht ndërhyrjes së menjëhershme të mjekut të institucionit, i cili e shoqëroi drejt spitalit, Helshani ndërroi jetë në orën 09:15 në Spitalin e Rrogozhinës.

Helshani trajtohej për hipertension dhe nivele të larta të yndyrave në gjak gjatë qëndrimit në IEVP Rrogozhinë. Ai ishte i dënuar me 4 vite e 8 muaj heqje lirie për prodhim të lëndëve narkotike. Ngjarja po hetohet dhe janë ndjekur të gjitha procedurat e nevojshme. Janë njoftuar menjëherë Shërbimi i Kontrollit të Brendshëm në Burgje (SHKBSB), Komisariati i Policisë Rrogozhinë, Prokuroria, dhe familjarët e të ndjerit.

erlad helshani

Sondazh

Poll

MË SHUMË