Sport

Largimi i De Ligt, një arsye për diskutime mes Kompany dhe drejtuesve të Bayern...

Sipas The Athletic, trajneri belg e shikonte holandezin si titullarin e padiskutueshëm dhe e kundërshtoi shitjen e tij.

22 Gusht 2024, 18:00 Nga DOSJA
Largimi i De Ligt, një arsye për diskutime mes Kompany dhe drejtuesve

GJERMANI - Një javë pasi u konfirmua largimi i Matthijs De Ligt (25 vjeç) nga Bayern Munich, pasi nuk i kishte përmbushur pritjet, The Athletic ka zbuluar se largimi i tij ishte një arsye për diskutime mes klubit dhe trajnerit Vincent Kompany. 

Qendërmbrojtësi holandez, sipas drejtuesve të klubit po kërkonte për disa sezonesh për largimin e tij dhe në fund 45 milionë eurot e vendosura në tavolinë nga Manchester United e kanë ribashkuar atë me Ten Hag, një trajner me të cilin ai shkëlqeu më parë te Ajax, për të kaluar më pas drejt Juventusit në Torino dhe prej andej drejt Bajernit. 

Edhe pse nuk ishte sekret që skuadra bavareze donte ta hiqte qafe, Kompany u befasua këndshëm në javët e tij të stërvitjes me të, deri në atë pikë sa e mendoi atë si opsionin e parë të mbrojtjes dhe u përpoq t'ia transmetonte këtë klubit, se ata nuk duhet ta transferojnë atë, pasi ai donte ta kishte në skuadër. 

Megjithatë, dihet tashmë se te Bayern Munich pesha e drejtuesve të klubit është shumë më e rëndësishme se kudo tjetër dhe ata e injoruan belgun. Vendimi u mor, edhe pas kërkesës së shprehur të 70 mijë tifozëve për të rishqyrtuar largimin e tij. Kështu që më në fund klubi vendosi të vinte bast për Kim, Upamecano, Ito dhe Dier, qendërmbrojtësit aktualisht në dispozicion të Kompany.

B.T (Dosja.al)

Sondazh

Poll

MË SHUMË