Aktualitet

Derbi Partizani-Tirana/ Policia publikon masat: Rrugët që do të bllokohen në kryeqytet, çdo tifoz i pajisur me kartë ident

13 Dhjetor 2019, 08:53 Nga DOSJA
Derbi Partizani-Tirana/ Policia publikon masat: Rrugët që do të

Tiranë- Për derbin Partizani- Tirana që do të zhvillohet sot në orën 17:00 në stadiumin “Air Albania”, Policia ka publikuar masat e sigurisë. Policia ka publikuar emrat e rrugëve që do të bllokohen në kryeqytet që prej orës 16:00.

Po kështu në njoftim theksohet se çdo tifoz duhet të jetë i pajisur me dokument identifikimi, ndërsa nuk do të lejohen të futen në stadium fëmijët nën moshën 16 vjeç, pa praninë e prindërit apo kujdestarit.

Njoftimi i Policisë
Masa për garantimin e rendit dhe sigurisë gjatë ndeshjes sportive “Derbi” që do zhvillohet në stadiumin “Air Albania”. Në zbatim të ligjeve të Policisë së Shtetit, Drejtoria Vendore e Policisë Tiranë ka hartuar planin e masave për mbarëvajtjen e sigurisë dhe rendit në aktivimin sportiv futbollistik Partizani – Tirana që do të zhvillohet në datën 13.12.2019, ora 17:00, në stadiumin “Air Albania”.

Masat e marra nga Policia e Tiranës konsistojnë në sigurimin e rendit dhe sigurisë publike, në të gjithë territoret jashtë stadiumit dhe në të gjitha rrugëkalimet. Policia kërkon mirëkuptimin e qytetarëve për kufizimin e qarkullimit të mjeteve nga ora 16:00 deri në përfundim të aktivitetit, në segmentet rrugore që do të jenë të bllokuara:
• Sheshi “Nënë Tereza”;
• Pjesë të segmentit të rrugës “Lek Dukagjini”;
• Rruga “Dervish Hima”;
• Përreth stadiumit “Air Albania” ;
• Do të kufizohen rrugëkalimet gjatë kohës së kalimit të tifozëve të Partizanit dhe Tiranës.

Po kështu kërkon mirëkuptimin e tifozëve të Sport Klub Partizanit dhe Sport Klub Tirana që të zbatojë kërkesat e mëposhtme:

1. Tifozët e Sport Klub Partizanit do të grumbullohen tek 21 Dhjetori dhe do të kalojnë në itinerarin për tek stadiumi “Air Albania” nga:
• 21 Dhjetori;
•ura “Vasil Shanto”;
•kryqëzimi i rrugës “Komuna e Parisit”,
• rruga “Sulejman Delvina”;
• Libri Univeristar;
• Presidenca drejt për tek COIN;
• Hyrjet tek tribuna N dhe E të stadiumit dhe anasjelltas;

2. Tifozët e Klub Sport Tirana do të grumbullohen te Teatri i Kukullave dhe do të kalojnë në itinerarin për tek stadiumi “Air Albania” nga;
• Ministria e Brendshme, Pedonalja;
•rruga “Xhorxh Bush”;
•Ura e Elbasanit, rruga e “Elbasanit”;
• Ambasada e SHBA-së;
• Kthim në rrugën “Dervish Hima;
• Kthim në rrugën “Sheh Ahmet Pazari”;
• Tribuna “S” dhe kthim anasjelltas;

Policia garanton dhe siguron lëvizjen e tifozëve përgjatë rrugëkalimeve të caktuara dhe nuk do të lejojë grumbullim apo kalim të tifozëve jashtë itinerarit të caktuar.

Policia e Tiranës kërkon mirëkuptimin e tifozerive respektive në zbatimin e detyrimeve të mësipërme, si dhe mirëkuptimin e qytetarëve për të evituar lëvizjen me automjete në segmentet rrugore të lartpërmendura në oraret e caktuara.

Do të ushtrohen kontrolle ndaj tifozëve para hyrjes në stadium për sende të kundërligjshme (si armë apo lëndë piroteknike etj ). Çdo tifoz duhet të jetë i pajisur me dokument identifikimi. Nuk do të lejohen të futen në stadium fëmijët nën moshën 16 vjeç, pa praninë e prindërit apo kujdestarit.

Policia bën me dije se në rastet e prishjes së rendit dhe qetësisë publike do të ndërhyjë në ambientet e brendshme të stadiumit për rivendosjen e rendit dhe shoqërimin e shkelësve të ligjit në ambientet e Policisë për procedim penal apo administrativ. Ndaj shkelësve do të zbatohen me korrektësi dhe përgjegjësi kërkesat e akteve ligjore në fuqi. 

J.V/Dosja.al

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet derbi partizani tirana policia merr masat për ndeshjen partizani tirana derbi partizani tirana policia merr masat për ndeshjen partizani tirana

Sondazh

Poll

Aktualitet 13 Dhjetor 2019, 07:47

TIRANË– Një 16-vjeçar është vënë në pranga nga Policia e Kamzës dhe dy bashkëpunëtorët e tij ët mitur janë vënë në ndjekje penale, në gjendje të lir...

MË SHUMË