Politike

"Nesër të gjithë qytetarët në protestë te bashkia"/ Berisha: Qeveria po bën gjithçka që të fshehë krimin e saj, krimin e Edi Ramës

Berisha ka theksuar nevojën për mbështetje ndërkombëtare dhe për protesta të fuqishme nga qytetarët, duke e cilësuar situatën si një kërcënim të madh për shëndetin dhe jetën e qytetarëve.

21 Gusht 2024, 21:02 Nga I.A
"Nesër të gjithë qytetarët në protestë te
Sali Berisha

TIRANË- Kryetari i PD-së, Sali Berisha paralajmëroi shqiptarët se qeveria po bën gjithçka që të fsheshë krimin e saj me mbetjet toksike, për të shpëtuar madje edhe Ramën nga ky skandal. Berisha ka theksuar nevojën për mbështetje ndërkombëtare dhe për protesta të fuqishme nga qytetarët, duke e cilësuar situatën si një kërcënim të madh për shëndetin dhe jetën e qytetarëve.

"Qytetarë dhe qytetare! Për armët kimike ju e thatë fjalën tuaj. Ju garantoj se ky eksport e tejkalon rrezikun më të madh që kishin armët kimike, sepse kjo është veprimtari e fshehtë. Kjo veprimtari kryhet nga mafia shtetërore për llogari të Edi Ramës. Kurse armët kimike do të vinin me një mbikëqyrje të rreptë ndërkombëtare dhe do të shkatërroheshin nga ekspertët më të mirë botërore dhe megjithatë është në meritën e qytetarëve shqiptarë që detyruan Edi Ramën të tërhiqet, të humbasë fytyrën para botës si mashtrues dhe bllokuan shndërrimin e Shqipërisë në poligon të shkatërrimit të armëve kimike. Qytetarë dhe qytetare, kjo që ka ndodhur është gjëmë pas shpinës tuaj. Vetëm protesta, vetëm revolta, vetëm zemërimi juaj, do të zbardhë gjer në fund këtë veprimtari kriminale Këtë veprimtari kriminale e cila mos u çudisni të zhvillohet në periferi të Tiranës, ose afër Durrësit. Të zhvillohet diku në rrethina të Shkodrës, Elbasanit, Fierit, ne nuk e dimë. Por dimë një gjë, që qeveria heshti kur u kap me krim në duar. Qeveria mashtroi dhe na tha se janë të Kurumit. Qeveria po bën gjithçka që të fshehë krimin e saj, krimin e Edi Ramës. Nesër të gjithë qytetarët te bashkia. Nesër dita e kapjes për zverku të Erion Veliajt. Nesër dita e ngadhënjimit të qytetarëve mbi hajninë, krimin vjedhjen. Të gjithë në protestë. Fitore, fitore, fitore. Qeveri teknike, zgjedhje të lira është beteja jonë. Rrofshi ju, rroftë Shqipëria," tha Berisha.

sali berisha

Sondazh

Poll

MË SHUMË