Aktualitet

EMRI+FOTO/ I dënuar me 15 vite burg për trafikim të të miturve, arrestohet dhe ekstradohet nga Greqia në Shqipëri i kërkuari

Sipas vendimit, mësohet se Kujtim Demiri ka marrë nga Shqipëria në Greqi fëmijën e mitur me inicialet H.S dhe e ka shfrytëzuar për të lypur në Greqi nën ushtrimin e dhunës.

21 Gusht 2024, 08:18 Nga M.B
EMRI+FOTO/ I dënuar me 15 vite burg për trafikim të të
Foto ilustruese

TIRANA- Kujtim Demiri është arrestuar dhe ekstraduar nga Greqia drejt Shqipërisë. Demiri ishte i shpallu në kërkim ndërkombëtar si dhe i dënuar me 15 vjet burg, për veprën penale “Trafikimi të miturve”.

Sipas vendimit, mësohet se Kujtim Demiri ka marrë nga Shqipëria në Greqi fëmijën e mitur me inicialet H.S dhe e ka shfrytëzuar për të lypur në Greqi nën ushtrimin e dhunës. 

EMRI+FOTO/ I dënuar me 15 vite burg për trafikim të të

Njoftimi:

Bashkëpunimi midis Interpol Tirana dhe Interpol Athina mundëson arrestimin dhe ekstradimin e një të kërkuari nga Greqia në Shqipëri

Më datë 20.08.2024, pas një bashkëpunimi intensiv dhe shkëmbimi informacioni mes Interpol Tirana dhe Interpol Athina u realizua arrestimi dhe ekstradimi nga Greqia i shtetasit Kujtim Demiri.

Ky shtetas ishte shpallur në kërkim ndërkombëtar nga Interpol Tirana më datë 06.01.2018, pasi Gjykata e Shkallës së Parë për Krimet e Rënda, me vendimin e datës 01.02.2010, e ka dënuar me 15 vjet burg, për veprën penale “Trafikimi të miturve”, parashikuar nga neni 128/b/2 , i Kodit Penal.

Sipas vendimit, shtetasi Kujtim Demiri ka marrë nga Shqipëria në Greqi fëmijën e mitur H.S dhe e ka shfrytëzuar për të lypur në Greqi nën ushtrimin e dhunës.

Policia e Shtetit dhe Interpol Tirana vazhdojnë angazhimin për sjelljen në Shqipëri dhe vendosjen para drejtësisë të personave në kërkim ndërkombëtar.

kujtim demiri

Sondazh

Poll