Aktualitet

Zjarret në vend/ Ministria e Mbrojtjes: Nga 31 vatra të raportuara, 28 janë shuar plotësisht, 3 mbeten ende aktive

Mësohet se vatra në Arrën të bashkisë së Kukësit, ajo në Fushë Lugje të Mirditës dhe vatra në Buçaj të Shkodrës janë të izoluara pa rrezik përhapjeje dhe po monitorohen për të shmangur çdo mundësi riaktivizimi.

19 Gusht 2024, 10:15 Nga M.B
Zjarret në vend/ Ministria e Mbrojtjes: Nga 31 vatra të raportuara, 28
Foto ilustruese

TIRANA- Ministria e Mbrojtjes ka njoftuar sot se pas shumë javësh betejë me zjarret që përfshinë shumë zona të territorit të vendit tonë, sot situata paraqitet më e qetë. Në njoftim thuhet se gjatë 24 orëve të fundit, nga 31 vatra zjarri të raportuara, 28 janë shuar plotësisht, ndërsa vetëm 3 vatra mbeten ende aktive.

Mësohet se vatra në Arrën të bashkisë së Kukësit, ajo në Fushë Lugje të Mirditës dhe vatra në Buçaj të Shkodrës janë të izoluara pa rrezik përhapjeje dhe po monitorohen për të shmangur çdo mundësi riaktivizimi.

“Mirënjohje për të gjitha strukturat operacionale, zjarrfikësit, efektivët e Forcave të Armatosura, Policinë, Shërbimin Pyjor, Zonat e Mbrojtura dhe vullnetarët për punën e palodhur dhe angazhimin maksimal. Përkushtimi i tyre i përbashkët ka qenë vendimtar në minimizimin e dëmeve dhe mbrojtjen e jetës dhe pronës së qytetarëve”, shkruhet në profilin e ministrit të Mbrojtjes Pirro Vengu.

zjarret ne vend

Sondazh

Poll

MË SHUMË