Aktualitet

Iku drejt Londrës duke thyer masën e sigurisë, si i shpëtoi arrestimit ish-shefi i AMP Kushtrim Selimi?

Pas disa kontrolleve Selimi nuk është gjetur, e për pasojë është shpallur në kërkim.

2 Gusht 2024, 22:07 Nga S.B
Iku drejt Londrës duke thyer masën e sigurisë, si i shpëtoi
Kushtrim Selimi

TIRANË- Ish-shefi i sektorit të AMP Durrës Kushtrim Selimi është dënuar ditën e sotme nga Gjykata me burg. Pas disa kontrolleve Selimi nuk është gjetur, e për pasojë është shpallur në kërkim.

Ndaj Selimit rëndojnë akuzat për veprat penale “Shpërdorim i detyrës në bashkëpunim”, “Ndërtim i paligjshëm”, dhe “Vjedhje e energjisë elektrike”. Duke paraprirë arrestimin, dyshohet se Selimi është njoftuar nga dikush për zhvillimet që priteshin të ndodhnin.

Sipas gazetares së Top Channel, Vali Qyrfyçi, Selimi me të marrë njoftimin ka mundur të largohet drejt Kosovës, e më pas me 29 korrik është larguar nga Prishtina drejt Londrës. Selimi ka thyer masën e sigurisë, pasi ishte nën hetim lidhur me portalin të cilin menaxhonte ku denigronte drejtuesit e Policisë së Shtetit.

Kësaj here sipas njoftimit të AMP, mësohet se Selimi gjatë kohës që ka ushtruar detyrën si Shef sektori pranë AMP Durrës, ka zaptuar një sipërfaqe trualli e cila është pronë shtetërore në lagjen “Kallm” të Durrësit, ku dhe ka ndërtuar në mënyrë të jashtëligjshme një vilë. Pas vetëdorëzimit në polici në fund të qershorit, Selimi u la i lirë, por me detyrim paraqitjeje dhe mos largim jashtë vendit.

kushtrim selimi amp

Sondazh

Poll

MË SHUMË