Sport

Monaco paralajmëron Milanin: “Fofana do të largohet vetëm me kushtet tona”

Milani është i interesuar për Youssouf Fofana, por klubi Monegask nuk ka ndërmend të lehtësojë largimin e mesfushorit.

30 Korrik 2024, 17:55 Nga DOSJA
Monaco paralajmëron Milanin: “Fofana do të largohet vetëm

ITALI - Ai është një nga objektivat e Milanit të Paulo Fonsecas. Youssouf Fofana, mesfushori 25-vjeçar, është në interesat e klubit italian, por Monaco premton të mos lehtësojë marrëveshjen.

Duke folur për gazetarët, drejtori sportiv i Monegaskut, Thiago Scuro, vlerësoi sjelljen e francezit gjatë negociatave dhe paralajmëroi Milanin: “Me Fofana ka një marrëdhënie të mirë, shumë transparencë dhe pa konflikte. Ne flasim shpesh dhe roli im është të mbroj klubin. Megjithatë, Fofana po sillet shumë korrekt.”

Monaco refuzon propozimin e Milanit…

Fofana tashmë ka rënë dakord për kushtet personale me italianët, por francezët nuk e bëjnë më të lehtë marrëveshjen “Ka një marrëveshje mes nesh që në verën e kaluar. Marrëveshja është që ai mund të largohet nga Monaco këtë verë. Por kushtet tona duhet të respektohen”, tha drejtori.

Scuro zbuloi gjithashtu se Monaco ka vendosur një çmim për transferimin e lojtarit, të vendosur në 35 milionë euro dhe nuk ka ndërmend ta lërë Fofanën të largohet nën këtë vlerë:

“Të gjitha negociatat përfshijnë momente më pak të thjeshta. Ky është rasti tani, por ne vazhdojmë të punojmë për të gjetur një zgjidhje që na shërben si neve, ashtu edhe lojtarit. Shpresoj që të ecim përpara në një mënyrë pozitive”.

Nga ana tjetër, klubi i Principatës nuk e përjashton mundësinë e mbajtjes së lojtarit, edhe nëse kjo do të thotë se mbrojtësi mund të largohet falas në fund të sezonit të ardhshëm.

B.T (Dosja.al)

Sondazh

Poll

MË SHUMË