Sport

Sauditët për De Bruyne? Guardiola: "City nuk ka oferta për të, dua që ai të qëndrojë"

“Klubi më ka informuar se ende nuk ka pasur asnjë ofertë. Nuk e di se çfarë do të ndodhë, por dua që ai të qëndrojë”.

30 Korrik 2024, 15:08 Nga DOSJA
Sauditët për De Bruyne? Guardiola: "City nuk ka oferta për

ANGLI - Sirenat arabe vazhdojnë për Kevin de Bruyne. Mesfushori belg ka marrë një ofertë të çmendur, 1.2 milionë euro në javë edhe sipas disa thashethemeve, por ai nuk duket i gatshëm të largohet.

Manchester City, megjithatë, nuk ka marrë ndonjë propozim zyrtar. Fjala e Pep Guardiolës, i cili në një konferencë për shtyp nga Orlando, ku skuadra është e angazhuar në turneun parasezonal në Shtetet e Bashkuara, u shpreh kështu:

“Klubi më ka informuar se ende nuk ka pasur asnjë ofertë. Nuk e di se çfarë do të ndodhë, por dua që ai të qëndrojë. Ishte këtu para se të mbërrija. Ai është lojtari më i vjetër, pra ai që ka qenë më gjatë këtu.

Ndodhi me David Silva për shembull dhe me lojtarë të tjerë, ai ka meritën të vendosë, i vetëm të ardhmen e tij. Ajo që ai ka bërë për ne është e madhe, kështu që ai mund të vendosë se çfarë dëshiron. Informacioni që kam tani është se do të qëndrojë”.

Guardiola foli edhe për Julian Alvarez. “Vendimi përfundimtar i takon vetëm atij. Alvarez dëshiron të luajë ndeshjet e rëndësishme, por ashtu si ai, duan edhe 18-19 lojtarë të tjerë të ekipit. Ai tha se do ta mendojë.

Kur ai të ketë mbaruar së menduari për këtë, agjenti i tij do të telefonojë Txiki (Begiristain, drejtori sportiv i Manchester City) dhe më pas do të shohim se çfarë do të ndodhë. Ndërkohë, le ta lëmë të reflektojë për të ardhmen e tij”.

B.T (Dosja.al)

Sondazh

Poll

MË SHUMË