Sport

Bayern zhgënjen në testin e dytë, barazon me një skuadër të nivelit të katërt gjerman

Bavarezët nuk e fituan testin e dytë para-sezonal, me Raphael Guerreiro si startues

28 Korrik 2024, 19:41 Nga DOSJA
Bayern zhgënjen në testin e dytë, barazon me një

GJERMANI - Pas një fitoreje ndaj Rottach-Egern (14-1), një ekip amator gjerman, në ndeshjen e parë parasezonale, Bayern nuk ishte në gjendje të fitonte testin e dytë përgatitor.

Ende pa João Palhinha, por me Raphael Guerreiro, i cili madje shënoi në ndeshjen e parë në njëmbëdhjetëshe, bavarezët barazuan 1-1 me Duren, një klub në nivelin e katërt të futbollit gjerman.

Edhe pse me një formacion luksoze (vetëm një lojtar nuk ishte nga skuadra kryesore), skuadra e Kompany po humbiste në pjesën e parë. Trajneri belg ndryshoi shumë lojtarë dhe në minutën e 60-të dhe ishte 18-vjeçari Irankunda, që barazoi ndeshjen nëntë minuta më vonë.

Tashmë në programin e Bayern pasojnë ndeshje më të vështira: një përplasje dyshe me  Tottenhamin dhe një provë përfundimtare me Tirolin nga Austria, para fillimit zyrtar të sezonit, kundër Ulmit, nga divizioni i tretë gjerman, për 32-të e Kupës së Gjermanisë.

Për Bayernin, Bundesliga fillon më 25 gusht kundër Wolfsburgut.

B.T (Dosja.al)

Sondazh

Poll

MË SHUMË