Art&Argëtim

Arrestimi i Justin Timberlake/ Avokati: Ai nuk ishte i dehur, policia bëri një numër të konsiderueshëm gabimesh

Seanca e tij e parë gjyqësore u zhvillua të premten, ku avokati i tij Edward Burke tha se policia bëri "një numër të konsiderueshëm gabimesh" në këtë rast.

27 Korrik 2024, 16:41 Nga S.B
Arrestimi i Justin Timberlake/ Avokati: Ai nuk ishte i dehur, policia bëri
Justin Timberlake

SHBA- Avokati i këngëtarit Justin Timberlake ka thënë se ylli i popit "nuk ishte i dehur" kur u arrestua nga oficerët e policisë muajin e kaluar. Seanca e tij e parë gjyqësore u zhvillua të premten, ku avokati i tij Edward Burke tha se policia bëri "një numër të konsiderueshëm gabimesh" në këtë rast.

“Fakti më i rëndësishëm për të ditur në lidhje me këtë rast është se Justin nuk ishte i dehur dhe nuk duhej të ishte arrestuar” shtoi avokati.

Duke folur jashtë Gjykatës së Drejtësisë të fshatit Sag Harbor, zoti Burke tha se Timberlake respekton zbatimin e ligjit dhe bashkëpunoi me punonjësit e policisë në çdo kohë.

“Por fakti mbetet, ai nuk ishte i dehur dhe gabuan duke e arrestuar për këtë. Ne kemi besim se kjo akuzë do të shkarkohet” tha avokati.

Timberlake nuk ishte i pranishëm në seancë pasi data u përplas me fillimin e turneut të tij botëror ‘Everything I Thought It Was’, i cili nisi në Tauron Arena në Krakov. Ai do të rikthehet praktikisht në gjykatë muajin e ardhshëm.

Arrestimi ndodhi në Sag Harbor në Hamptons, një destinacion popullor veror për të famshëm në Long Island.

justin timberlake dwi

Sondazh

Poll