Politike

Berisha: Veliaj së bashku me Maznikun ka shembur 13 pallate në zemër të Tiranës për të mbushur arkat e tyre

Në përfundim Berisha shprehet se ato pallate ishin të gjitha solide, të parrënueshme nga tërmeti.

25 Korrik 2024, 20:42 Nga S.B

 

Berisha: Veliaj së bashku me Maznikun ka shembur 13 pallate në
Sali Berisha

TIRANË- Kreu i Partisë Demokratike, Sali Berisha në fjalën e tij, vuri theksin tek protesta e ditës së sotme para bashkisë së Tiranës. Sipas Berishës, kreu i bashkisë Erion Veliaj ka shembur 13 pallate në zemër të Tiranës, së bashku me Arbjan Maznikun.

Më tej Berisha thotë se këto shembje i kanë realizuar vetëm për të mbushur arkat e veta dhe të kompanive të tyre. Në përfundim Berisha shprehet se ato pallate ishin të gjitha solide, të parrënueshme nga tërmeti.

Fjala e plotë: 

Berisha: Të dashur qëndrestare dhe qëndrestarë, guximtare dhe guximtarë, misionarë të vërtetë të kauzës që të të gjitha kauzave të shqiptarëve. Të kauzës së shpresës, dinjitetit, lirisë, interesit kombëtar. Një përshëndetje të përzemërt ju oratorëve që me fjalën e tyre të zjarrtë përcjellin në të katër anët e Shqipërisë të vërtetat e realitetit të sotëm, por rrezatojnë guxim dhe frymëzim tek mbarë shqiptarët.

Para së gjithash sot unë duhet të përgëzoj me mirënjohje ata qindra protestuese e protestues që rrethuan bashkinë e Tiranës në një protestë të pamposhtur si dëshmitarë të vendosmërisë së tyre për të mos u pajtuar kurrë me vjedhjen e tmerrshme që Erion Veliaj iu ka bërë qytetarëve të Tiranës me djegësin. Me vjedhjen e tmerrshme që ai me drejtorët e tij ka bërë me modelin 100 përqind të kompanisë 5D.

Më vjedhjen e tmerrshme që ky kryehajdut i shpifur ka bërë së bashku me Maznikun dhe hajdutët e tij, duke shembur 13 pallate në zemër të Tiranës vetëm e vetëm për të mbushur arkat dhe kontot e veta dhe të kompanive të tij. Pallate të vlerësuara që të gjitha solide, të parrënueshme nga tërmeti.

 

sali berisha protesta para bashkise se tiranes

Sondazh

Poll

MË SHUMË