Politike

"Gjithçka tjetër kot!" Sula për draftin e Zgjedhores: E keni sjellë në Komision gjysmë ore para, e keni vulosur!

Ai tha se drafti ka mbërritur vetëm gjysmë ore para nisjes së mbledhjes së Komisionit dhe as nuk kanë pasur kohë që ta diskutojnë.

24 Korrik 2024, 16:39 Nga M.B
"Gjithçka tjetër kot!" Sula për draftin e Zgjedhores:
Foto nga komisioni

TIRANA- Në mbledhjen e në Komisionit të Ligjeve deputeti demokrat Dashnor Sula ka shprehur kritika për draftin e dakordësuar mes PS dhe PD. Ai tha se drafti ka mbërritur vetëm gjysmë ore para nisjes së mbledhjes së Komisionit dhe as nuk kanë pasur kohë që ta diskutojnë. Sula tha se gjithçka është vulosur dhe pjesa tjetër e diskutimeve është kot.

"S’ka asnjë lloj logjike, që unë e mësoj gjysmë ore para, skam pasur mundësi ta lexoj pr.ligjin që është depozituar nga PS dhe PD. Gjithçka është vlerësuar, vulosur dhe ka ardhur këtu. Nisma të tjera që do diskutohen sot janë totalisht kot.

Votimi i 21 prillit 2008, më kujtohet mirë kur ishte kryetari i komisionit Rusjmali dhe u diskutua me shpejtësi të madhe, thjesht anëtarët e komisioneve të ligjeve ngrinin dorën. E njëjta skene po përsëritet në 2024, të diskutojmë çfarë tha Mediu, na jepni kohën që t’i lexojmë dhe t’i diskutojmë nesër", tha Sula. 

komisioni i ligjeve

Sondazh

Poll

MË SHUMË