Aktualitet

Rrëmbyen 17-vjeçarin, e nxorën live në Tik Tok dhe e ngacmuan seksualisht, vihen në pranga dy 19-vjeçarët në Lezhë (EMRAT)

Dy të rinjtë akuzohen për kryerjen e veprave penale “Dëmtime të tjera me dashje”, “Kanosja” dhe “Ngacmimi seksual”.

22 Korrik 2024, 19:56 Nga r.ll
Rrëmbyen 17-vjeçarin, e nxorën live në Tik Tok dhe e
foto ilustruese

LEZHË- Dy 19-vjeçarë janë arrestuar në Lezhë, pas kallëzimit të një 17-vjeçari për rrëmbim. Sipas informacioneve policore, ai ka treguar se më datë 21.07.2022, rreth orës 22:30, është marrë në automjet pa dëshirën e tij nga këta dy të arrestuarit dhe është çuar në drejtim të fshatit Kolsh-Malsi.

Më pas kanë ndaluar makinën dhe e kanë shantazhuar 17-vjeçarin me video duke e nxjerrë “Live” në  “TikTok” dhe duke e detyruar të përdorë fjalë fyese në video, veprime këto të cilat janë shoqëruar me dhunë fizike ndaj tij, si dhe e kanë ngacmuar seksualisht.

Dy të rinjtë Amarildo Gjoka dhe Antonio Lleshi akuzohen për kryerjen e veprave penale “Dëmtime të tjera me dashje”, “Kanosja” dhe “Ngacmimi seksual”.

NJOFTIMI I POLICISË: 

Specialistët për Hetimin e Krimit në Komisariatin e Policisë Lezhë bënë arrestimin në flagrancë të shtetasve:

– A. Gj., 19 vjeç, dhe A. Ll., 19 vjeç, të dy banues Malsi, Njësia Administrative Kolsh, Lezhë.

Arrestimi i tyre u bë pasi një 17-vjeçar bëri kallëzim në Komisariatin e Policisë Lezhë, duke treguar se më datë 21.07.2022, rreth orës 22:30, është marrë në automjet pa dëshirën e tij nga këta dy shtetas dhe është çuar në drejtim të fshatit Kolsh-Malsi, Njësia Administrative Kolsh, Bashkia Lezhë.

Pasi kanë ndaluar automjetin, këta dy shtetas e kanë shantazhuar 17-vjeçarin me video duke e nxjerrë “Live” në rrjetin social “TikTok” dhe duke e detyruar të përdorë fjalë fyese në video, veprime këto të cilat janë shoqëruar me dhunë fizike ndaj 17-vjeçarit, si dhe e kanë ngacmuar seksualisht.

Materialet procedurale në ngarkim të shtetasve të arrestuar A. Gj. dhe A. Ll. do t’i kalojnë Prokurorisë pranë Juridiksionit të Përgjithshëm Lezhë, për veprime të mëtejshme për veprat penale, “Dëmtime të tjera me dashje”, “Kanosja” dhe “Ngacmimi seksual”.

policia e lezhes

Sondazh

Poll

MË SHUMË