Aktualitet

8 vjet nga miratimi i Reformës në Drejtësi/ Ambasada e SHBA: Do vazhdojmë të qëndrojmë pranë institucioneve të drejtësisë dhe qytetarëve shqiptarë 

Me anë të një postimi në rrjetet sociale, ambasada shprehet se kjo reformë nuk ka qenë e lehtë, ndërsa thekson se zbatimi i saj është i pakthyeshëm.

22 Korrik 2024, 19:31 Nga r.ll
8 vjet nga miratimi i Reformës në Drejtësi/ Ambasada e SHBA: Do
ambasada amerikane ne tirane

TIRANË- Ambasada amerikane në Tiranë ka kujtuar 8-vjetorin e miratimit të Reformës në Drejtësi.

Me anë të një postimi në rrjetet sociale, ambasada shprehet se kjo reformë nuk ka qenë e lehtë, ndërsa thekson se zbatimi i saj është i pakthyeshëm.

Më tej thuhet se do të vazhdojmë të qëndrojmë pranë institucioneve të drejtësisë dhe qytetarëve shqiptarë. 

“Në këtë përvjetor të tetë të miratimit njëzëri të amendamenteve kushtetuese që i hapën rrugën reformës në drejtësi, ne përgëzojmë popullin shqiptar për mbështetjen e tij në zbatimin e saj të pakthyeshëm. Siç e kemi thënë gjatë gjithë kohës, reforma në drejtësi nuk do të ishte e lehtë, e shpejtë apo e përsosur, por ajo po jep rezultate dhe po e bën Shqipërinë një demokraci më të fortë. Ne jemi krenarë që kemi qëndruar me popullin e Shqipërisë në këtë përpjekje të vështirë dhe të guximshme. Do të vazhdojmë të qëndrojmë pranë institucioneve të drejtësisë dhe qytetarëve të Shqipërisë, teksa ata vazhdojnë të bëjnë përparim në luftën kundër korrupsionit dhe sjelljen e Shqipërisë më pranë bashkësisë euro-atlantike të kombeve”, thuhet në postimin e ambasadës amerikane.

 

ambasada amerikane reforma ne drejtesi

Sondazh

Poll

MË SHUMË