Sport

Dëmtimi i Leo Messit në Copa America, më i rëndë nga sa mendohej, do të mungojë në ndeshjet e ardhshme të Inter Miami...

I dëmtuar në kyçin e djathtë gjatë finales së Copa America, të fituar nga Argjentina, Lionel Messi do të mungojë në ndeshjet e radhës të Inter Miami.

17 Korrik 2024, 11:19 Nga DOSJA

SHBA - Lionel Messi, i dëmtuar në kyçin e këmbës gjatë finales së Copa America, Kupës së Amerikës, do të humbasë (të paktën) dy ndeshjet e ardhshme të klubit të tij, Inter Miami, tha të martën trajneri i tij Gerardo Martino.

Ish-lojtari 37-vjeçar i Barcelonës u dëmtua (64’) në kyçin e këmbës së djathtë gjatë fitores 2-1 të Argjentinës kundër Kolumbisë të dielën.

“Do të ketë teste të reja për të vlerësuar ashpërsinë e dëmtimit”, tha Gerardo Martino. “Pleshti” patjetër do të mungojë në ndeshjen e Inter Miami të mërkurën kundër Toronto FC si dhe ndeshjen e së shtunës kundër Chicago Fire.

Dëmtimi i Leo Messit në Copa America, më i rëndë nga sa

Në një komunikatë mjekësore të publikuar pak më vonë, Inter Miami përmendi “një dëmtim të ligamenteve”, duke lënë të kuptohet se dëmtimi është më i rëndë se sa pritej.

Me 14 fitore, Inter Miami është i dyti në Konferencën Lindore të Major League Soccer, një pikë pas Cincinnati (48 pikë) që mposhti klubin nga Florida (6-1) më 6 korrik.

B.T (Dosja.al)

Sondazh

Poll

MË SHUMË