Sport

Një rast i ri seksual trondit kombëtaren e Japonisë, arrestohet mesfushori...

Disa muaj pas largimit të Junya Itos në mes të Kupës së Azisë, për akuzën e sulmit seksual, kombëtarja japoneze është përballur me një rast të ri. Sipas shtypit japonez, mesfushori Kaishu Sano është arrestuar këtë të mërkurë, si i dyshuar për një sulm seksual.

17 Korrik 2024, 11:04 Nga DOSJA
Një rast i ri seksual trondit kombëtaren e Japonisë, arrestohet

JAPONI - Një aferë e re trondit futbollin japonez dhe kombëtaren e tij, disa muaj pas asaj të Junya Itos. Tre burra, përfshirë Kaishu Sano, një lojtar i ekipit kombëtar të futbollit japonez, janë arrestuar me dyshimin se kanë sulmuar seksualisht një grua, raportuan mediat lokale të mërkurën.

Kaishu Sano, 23 vjeç, dhe dy burra të tjerë, gjithashtu në të 20-at e tyre, dyshohen se kanë sulmuar seksualisht gruan rreth të 30-tave në një hotel në Tokio të dielën, njoftoi transmetuesi publik NHK dhe media të tjera, duke cituar burime policore.

Sano sapo ka nënshkruar për Mainzin

Të kontaktuar nga viktima menjëherë pas sulmit të supozuar, policia i arrestoi këta tre persona pranë hotelit dhe po përpiqet të vërtetojë faktet, sipas NHK. Sano, i cili luan në mesfushë dhe mori pjesë në Kupën e Kombeve të Azisë këtë vit me ekipin japonez, së fundmi nënshkroi me Mainz në Bundesligë.

Një tjetër lojtar japonez, Junya Ito, i cili luante për klubin Reims në Ligue 1 Franceze, duhej të largohej nga Kupa e Azisë në fillim të këtij viti, pasi policia japoneze konfirmoi se lojtari, i akuzuar për sulm seksual nga dy gra, ishte objekt i një hetimi.

Ngjarjet e supozuara ndodhën në një hotel në Osaka në qershor 2023, pas një ndeshjeje midis Japonisë dhe Perusë, sipas mediave japoneze. Ito mohon faktet dhe ka nisur veprimet ligjore kundër dy akuzueseve të tij, nga të cilat kërkon 200 milionë jen (1.2 milionë euro) dëmshpërblim.

B.T (Dosja.al)

Sondazh

Poll

MË SHUMË