Aktualitet

RENEA shkul kangjellat dhe futet brenda banesës, arrestohet Edmond Naska në Korçë

Gjatë kontrollit në banesën e tij është gjetur arma e zjarrit kallashnikov, me krehër me municion luftarak, e cila u sekuestrua në cilësinë e provës materiale.

16 Korrik 2024, 12:49 Nga r.ll
RENEA shkul kangjellat dhe futet brenda banesës, arrestohet Edmond Naska
pamje nga aksioni

KORÇË- Forcat e RENEA-s kanë shkulur kangjellat dhe janë futur me forcë brenda banesë së Edmond Naskës, i cili është vënë tashmë në pranga. 

71-vjeçari me probleme të shëndetit mendor, i cili jeton i vetëm, qëlloi 3 herë me kallashnikov nga ballkoni i banesës së tij, ndërsa refuzonte që të dorëzohet në polici.

Gjatë kontrollit në banesën e tij është gjetur arma e zjarrit kallashnikov, me krehër me municion luftarak, e cila u sekuestrua në cilësinë e provës materiale.

NJOFTIMI I POLICISË:

Korçë

RENEA neutralizon dhe vë në pranga 71-vjeçarin që qëlloi me armë zjarri, në ajër, nga ballkoni i banesës së tij.

Sekuestrohet arma e zjarrit kallashnikov, me krehër me municion luftarak.

Në vijim të informacionit paraprak të dhënë ditën e sotme, i cili bën fjalë për ngjarjen e ndodhur në lagjen nr. 16, ku shtetasi E. N., 71 vjeç, me probleme të shëndetit mendor, qëlloi me armë zjarri, në ajër, nga ballkoni i banesës së tij, ju bëjmë me dije se:

Me mbërritjen e njësive speciale RENEA, është krijuar perimetri i afërt i sigurisë, si dhe është negociuar me 71-vjeçarin, për t’u dorëzuar. Pas negociatave, 71-vjeçari është dorëzuar dhe më pas është shoqëruar në ambientet e Komisariatit të Policisë Korçë, për veprime të mëtejshme procedurale.

Gjatë kontrollit në banesën e tij është gjetur arma e zjarrit kallashnikov, me krehër me municion luftarak, e cila u sekuestrua në cilësinë e provës materiale.

Grupi hetimor, në drejtimin e Prokurorisë, vijon veprimet për dokumentimin e rrethanave të këtij rasti.

edmond naska korce te shtena

Sondazh

Poll

MË SHUMË