Aktualitet

Iu gjetën sasi kanabisi e kokaine në banesë, arrestohet 26-vjeçari në Tiranë

Gjithashtu katër persona të tjerë janë arrestuar për thyerje të arrestit shtëpiak, vjedhje si dhe drejtim automjeti në gjendje të dehur.

15 Korrik 2024, 11:48 Nga S.B
Iu gjetën sasi kanabisi e kokaine në banesë, arrestohet
foto ilustruese

TIRANË- Arrestohen pesë persona në Tiranë. Mësohet se është arrestuar 26-vjeçari S.O pasi i është gjetur sasi kanabisi dhe kokaine në shtëpinë e tij.

Gjithashtu katër persona të tjerë janë arrestuar për thyerje të arrestit shtëpiak, vjedhje si dhe drejtim automjeti në gjendje të dehur.

Njoftimi i Policisë:

Tiranë/Arrestohen 6 shtetas për vepra të ndryshme penale.

Specialistët për Hetimin e Krimeve të Komisariatit të Policisë Nr. 1 arrestuan shtetasin S. O., 26 vjeç, banues në Tiranë, për veprën penale "Prodhimi dhe shitja e narkotikëve". Gjatë kontrollit fizik dhe të banesës së 26-vjeçarit, shërbimet e Policisë, gjetën dhe sekuestuan në cilësinë e provës materiale, sasi të vogla lënde të dyshuara narkotike kokainë dhe kanabis.

Specialistët për Hetimin e Krimeve të Komisariatit të Policisë Nr. 4 arrestuan shtetasit:

- T. Y., 36 vjeç, banues në Tiranë, për veprën penale "Largimi i të burgosurit nga vendi i qëndrimit", pasi ka shkelur masën e sigurisë "Arrest në shtëpi", cakuar nga Gjykata;

- G. Q., 23 vjeç, banues në Tiranë, për veprën penale "Vjedhja". 23-vjeçari në bashkëpunim me një shtetas ende të paidentifikuar, në rrugën "Aleksandër Mojsiu", dyshohet se i kanë vjedhur një automjeti, disqet e gomave.

Specialistët për Hetimin e Krimeve të Komisariatit të Policisë Nr. 6 arrestuan shtetasin P. T., 55 vjeç, banues në Tiranë, për veprën penale "Vjedhja". Ky shtetas duhet se ka vjedhur shuma parash, në një kompani ku është i punësuar si shofer.

Specialistët e Komisaritit të Policisë Rrugore Tiranë arrestuan shtetasin L. Z., 34 vjeç, banues në Tiranë, pasi duke drejtuar mjetin tip "Benz", në gjendje të dehur, është përplasur me një automjet tip "Audi", dhe si pasojë ka vetëm dëme materiale.

Materialet i kaluan Prokurorisë.

tirane kanabis

Sondazh

Poll

MË SHUMË