Aktualitet

Pësoi goditje nga i nxehti, humb jetën 23-vjeçari me aftësi të kufizuara në Greqi, arrestohen prindërit shqiptarë

I riu mësohet se u dërgua në spitalin e Halkidës, por pavarësisht përpjekjeve të mjekëve për ta mbajtur në jetë, i riu ndërroi jetë mbrëmjen e së dielës.

15 Korrik 2024, 11:38 Nga N.F
Pësoi goditje nga i nxehti, humb jetën 23-vjeçari me
Foto ilustruese

GREQI- Një 23-vjeçar shqiptar ka humbur jetën në Greqi. Mësohet se ngjarja e rëndë ka ndodhur dje pasditen ndërsa raportohet se i riu ka humbur jetën pasi pësoi goditje nga i nxehti.

23-vjeçari ishte një person me aftësi të kufizuara jetonte me familjen e tij në Amarinthos, Evia, dhe prindërit e tij kishin një dyqan ushqimor në zonë. I riu mësohet se u dërgua në spitalin e Halkidës, por pavarësisht përpjekjeve të mjekëve për ta mbajtur në jetë, i riu ndërroi jetë mbrëmjen e së dielës.

Nuk dihet se në çfarë rrethanash 23-vjeçari ka pësuar goditje nga nxehtësia, megjithatë burime policore thanë për mediat greke se prindërit e tij janë arrestuar për hetime të mëtejshme.

greqi viktime shqiptar

Sondazh

Poll