Sport

Copa America/ Shakira, ylli i pop-it, pjesë e finales, do të 'ndezë' stadiumin e Miamit…

Mbajtja e një koncerti ekspres të Shakiras në pjesën e parë të finales së Copa America ka ngritur frikën për probleme organizative dhe një tejkalim të kohës së pushimit.

14 Korrik 2024, 19:30 Nga DOSJA

Copa America/ Shakira, ylli i pop-it, pjesë e finales, do të

SHBA - A do t'i zemërojë më tej puristët Konfederata e Futbollit të Amerikës së Jugut (Conmebol), e kritikuar nga Marcelo Bielsa dhe të tjerë për organizimin e turneut dhe shijen e saj vetëm për fitim?

Conmebol ka punësuar Shakirën, kënga e së cilës "Punteria" është bërë himni jozyrtar i Copa America 2024, për të performuar në pjesën e parë të finales Argjentinë-Kolumbi, që të hënën do të nisë në orën 02:00. Kjo është diçka që popstarja kolumbiane e ka bërë edhe në vitin 2020 në Miami, për Super Bowl.

Por për futbollin, kjo është hera e parë që përdoret në një kompeticion të tillë. Dyshimet ngrihen, pasi ndryshe nga ai amerikan, pushimi në një ndeshje futbolli “nuk mund të kalojë 15 minutat”, sipas rregullit 7.

Dhe nëse NFL-së i duheshin të paktën dhjetë minuta për të instaluar dhe hequr skenën e saj, a mundet Conmebol të kryejë një operacion të ngjashëm për t'i lënë Shakirës kohën e duhur për të gërmuar në katalogun e tij të sukseseve? Edhe mediat kolumbiane janë të shqetësuara, për të parë traditën të nëpërkëmbur.

"Ne jemi të sigurt se performanca e saj do të përforcojë mesazhin e pasionit të shëndetshëm dhe unitetit përmes sportit," është shprehur Alejandro Dominguez, president i Conmebol.

B.T (Dosja.al)

Sondazh

Poll

MË SHUMË