Sport

Trippier i pasigurt, Shaw gati t’i zerë vendin në krahun e majtë kundër Spanjës...

Trajneri i Anglisë, Gareth Southgate, mund të mbështetet te Luke Shaw, një lojtar i vërtetë i majtë, edhe pse nuk ka luajtur shumë. Një ‘bixhoz’ duke marrë parasysh pasiguritë fizike të mankunianit.

14 Korrik 2024, 17:28 Nga DOSJA
Trippier i pasigurt, Shaw gati t’i zerë vendin në krahun e

GJERMANI - Anglia duhet të prezantohet këtë të dielë në të njëjtin konfiguracion si në gjysmëfinale (2-1 kundër Holandës, të mërkurën), ndonëse mbetet pasiguri për identitetin e pistonit të majtë në start.

Në të vërtetë, Kieran Trippier, i cili zakonisht e zë këtë pozicion, mori një goditje kundër Holandës dhe mbi të gjitha, që nga fillimi i kompeticionit, ky i djathtë i pastër ka luftuar për të qenë vendimtar në fazën sulmuese, pasi vazhdimisht i duhet të rikthehet në këmbën e tij të mirë para se të kalojë, gjë që e bën atë shumë të parashikueshëm.

Kjo është arsyeja pse Luke Shaw, i cili e zëvendësoi në dy ndeshjet e fundit, po aplikon për të startuar në vend të tij. Por do të ishte një ‘bixhoz’ i vërtetë, sepse ‘Djalli i Kuq’, i cili po vjen nga një dëmtim i gjurit, nuk ka nisur si titullar një ndeshje që nga 18 shkurti. Mbrëmjen e së shtunës, lojtari i Newcastle ende dukej se po mbante pozicionin e titullarit.

Ndërsa pritet të merret një vendim përfundimtar për këtë temë, Gareth Southgate u shfaq i qetë të shtunën në një konferencë për shtyp. Ai refuzoi veçanërisht idenë se dështimet e ndryshme që përjetoi me “Tre Luanët”, si lojtar dhe trajner, do ta çonin më në fund drejt një fati të lumtur mbrëmjen e së dielës: “Unë nuk besoj në përralla, por besoj në ëndrra. Ne kemi pasur disa të mëdha [...], por më pas duhet t'i realizojmë ato”. 

Më pas ai shtoi, me një ton më serioz: “Ne duhet ta bëjmë këtë të ndodhë (të dielën),  duhet të evoluojmë në nivelin e nevojshëm për ta realizuar atë. Sigurisht, do të ishte një histori e mrekullueshme, por është në duart tona”.

B.T (Dosja.al)

Sondazh

Poll

MË SHUMË