Aktualitet

Shkeli perimetrin e lejuar dhe rrezikoi jetën e pushuesve, gjobitet drejtuesi i motorit të ujit në Gjirin e Lalzit

Për pasojë drejtuesi u ndëshkua me 100,000 lekë të rinj gjobë, si dhe u bë bllokimi i mjetit lundrues.

13 Korrik 2024, 11:20 Nga S.B
Shkeli perimetrin e lejuar dhe rrezikoi jetën e pushuesve, gjobitet
pamje nga ngjarja

DURRËS- Ndëshkohet me gjobë drejtuesi i një motori uji në plazhin e Gjirit të Lalzit në Durrës. Mësohet se drejtuesi E.Ll shkeli perimetrin e lejuar të sigurisë ujore, duke vënë në rrezik pushuesit.

Për pasojë drejtuesi u ndëshkua me 100,000 lekë të rinj gjobë, si dhe u bë bllokimi i mjetit lundrues.

Njoftimi i Policisë:

Durrës

Shkeli perimetrin e sigurisë ujore dhe u kthye në rrezik për pushuesit që frekuentonin plazhin e Gjirit të Lalzit Durrës, ndëshkohet me masë administrative 100,000 lekë të rinj drejtuesi i mjetit lundrues dhe vendoset masa e bllokimit për mjetin lundrues.

Shërbimet e Policisë Kufitare Durrës, në bashkëpunim me Njësinë Policore Detare, gjatë patrullimit të vijës bregdetare, me qëllim garantimin e rendit dhe sigurisë publike në zonat turistike, si dhe për kontrollin e përdorimit të mjeteve lundruese, bazuar dhe në denoncimet e qytetarëve në rrjetet sociale kanë ndërhyrë menjëherë në plazhin e Gjirit të Lalzit, duke bërë bllokimin e një mjeti lundrues motor uji, që kishte shkelur perimetrin e sigurisë ujore duke vënë në rrezik jetën e pushuesve në plazh.

Shërbimet e Policisë Kufitare e kanë ndëshkuar drejtuesin e mjetit lundrues, shtetasin E. Ll., me masë administrative 100,000 lekë të rinj, si dhe kanë bllokuar mjetin lundrues.

Policia Kufitare apelon për të gjithë përdoruesit e mjeteve lundruese që të respektojnë me rigorozitet perimetrin e sigurisë ujore për plazhistët, të zbatojnë rregullat për përdorimin e mjeteve lundruese dhe të respektojnë zonat e përcaktuara për lundrim me këto mjete.

durres motor uji gjiri i lalzit

Sondazh

Poll

MË SHUMË