Aktualitet

"80 mijë besimtarë më pak se në 2011", rezultatet e Censit, Kisha Katolike: Do të organizojmë vetë një regjistrim

Sipas Censit besimtarë katolikë janë deklaruar 201.530 qytetarë, 80 mijë besimtarë katolikë më pak se në vitin 2011.

8 Korrik 2024, 14:01 Nga M.B
"80 mijë besimtarë më pak se në 2011", rezultatet
Dom Mark Pashkja

TIRANA- Kisha katolike e Shqipërisë ka kundërshtuar sot zyrtarisht rezultatet e Censit të publikuara së fundmi nga INSTAT. Zëdhënësi i Konferencës Ipeshkvnore të Shqipërisë Dom Mark Pashkja ka deklaruar se janë më shumë se 410 mijë shqiptarë që kanë emigruar që nga 2011 kur është bërë censusi i fundit. Dom Mark Pashkja k shtuar se kisha katolike nuk është shumë e bindur edhe për numrin e katolikëve në vendin tonë edhe pse për këtë nuk ka të dhënë të sakta.

Prandaj në reagim thuhet se shumë shpejt kisha do të nisë vetë një census për të parë se sa katolik jetojnë aktualisht në vendin tonë. Sipas Censit besimtarë katolikë janë deklaruar 201.530 qytetarë, 80 mijë besimtarë katolikë më pak se në vitin 2011.

"Prandaj, edhe neve na lind një angazhim për ta kryer këtë Census nëpër Dioqezat dhe famullitë tona për ta njohur, edhe pse përafërsisht, por me realizëm, numrin e katolikëve në territor", thuhet në reagimin e Kishës Katolike.

dom mark pashkja

Sondazh

Poll

MË SHUMË