Sport

Mbrojtësi Pepe i keqardhur: “Unë dhe Cristiano Ronaldo, jemi shumë të prekur”

Në moshën 41-vjeçare, mbrojtësi Pepe shprehu trishtimin e tij të madh, pas humbjes me penallti ndaj Francës në çerekfinalen e Euros (0-0, 5-3 (p). Një faqe e madhe në futbollin portugez mund të kthehet.

6 Korrik 2024, 15:02 Nga DOSJA
Mbrojtësi Pepe i keqardhur: “Unë dhe Cristiano Ronaldo, jemi

GJERMANI - Pepe, mbrojtësi portugez, pas eliminimit ndaj Francës me penallti, nuk mundej ta fshihte keqardhjen, teksa do të shprehej për median: “Nuk do ta përsëris atë që i thashë Cristiano Ronaldos pas ndeshjes, por jemi shumë të trishtuar.

Ndryshe nga sa mendojnë shumë njerëz, ne jemi shumë të prekur. Jemi të frustruar që nuk e kemi fituar këtë ndeshje, jemi eliminuar nga një kompeticion kaq i rëndësishëm, ndërkohë që e dimë që kishim cilësitë për të shkuar më tej.

Nuk është sot dita që të flas për të ardhmen time. Do të kem kohë të flas për të. Unë kam folur tashmë me shokët e skuadrës. Ne duhet të jemi në gjendje ta kalojmë këtë zhgënjim të madh, këtë trishtim të madh që të gjithë ne ndjejmë sot (e premte).

Më duhet të falënderoj tifozët portugezë. Që në ditën e parë, kur u natyralizova, thashë do të jap gjithçka që kam. I dhashë gjithçka që më dha Portugalia dhe mënyra më e mirë për ta bërë atë ishte në fushë, duke bërë atë që dua më shumë, atë që vlerësoj më shumë, duke i dhënë gëzim portugezëve.

Dhe mendoj se ata e dinë këtë, kur shoh ovacionet që më bënë gjatë Euros. Cilido qoftë niveli im, unë gjithmonë do të bëj më të mirën për Portugalinë”.

B.T (Dosja.al)

Sondazh

Poll

MË SHUMË