Sport

Dora e Cucurella-s, ish-arbitri Cesarin dënon Taylor dhe VAR-in: "Penallti shumë e qartë. Duhet ta thërrisnin në monitor"

Ish-arbitri italian për SportMediaset.it: "Krahu i majtë nuk është ngjitur me trupin dhe gjuajtja ishte drejt portës. Një episod për t'u rishikuar në fushë"

6 Korrik 2024, 14:48 Nga DOSJA
Dora e Cucurella-s, ish-arbitri Cesarin dënon Taylor dhe VAR-in:

ITALI - Për Anthony Taylor, arbitri anglez që drejtoi çerekfinalen e Euro 2024 mes Gjermanisë dhe v Spanjës, të qenit në sy të një polemike sigurisht që nuk është asgjë e re. Nëse episodet e kontestuara nga Roma dhe Mourinho në finalen e Europa League të humbur nga Sevilla janë tashmë në të kaluarën, orët menjëherë pas ndeshjes në Shtutgart nuk ishin të lehta për arbitrin anglez.

Episodi që bëri xhiron e botës, ishte prekja e dorës së Cucurella-s në zonë në fillimin e shtesës së dytë pas goditjes së sigurt të Musialës, një "shpëtim" ndoshta i pavullnetshëm, i gjykuar si penallti pak a shumë nga të gjithë live, komentatorë dhe ish-arbitra në televizion dhe në rrjetet sociale. Të gjithë përveç atij që ishte në krye të vendosjes, dmth Taylor në fushë, Attwell dhe Irrati në VAR, gabim apo jo? Për ish-gjyqtarin italian Graziano Cesarin ishte “Po”, me fajin për ta ndarë me VAR.

Për UEFA-n, në fakt, episodi do të ishte vlerësuar i saktë nga ekipi i arbitrave brenda dhe jashtë fushës. Kjo sipas udhëzimeve që kreu i gjyqtarëve Roberto Rosetti, në një konferencë para turneut, u ekspozoi drejtuesve të ndeshjeve të punësuar në Gjermani me shembuj specifikë për të ndihmuar vendimet në rast të një loje me dorë në zonë.

Por interpretim ishte krejtësisht i gabuar, sipas mendimit të ish-gjyqtarit Graziano Cesarit: "Ai episod është një penallti e qartë, nuk ka nevojë as të diskutohet. Cucurella nuk bëri as gjestin më të vogël për të shmangur goditjen dhe krahu i tij i majtë shkëputet nga busti, - komentoi ish-arbitri për  SportMediaset.it. - ​​Taylor e pa absolutisht keq rastin në fushë, pasi gjuajtja ishte drejt portës, pse mbrojtësi nuk ndërhyri drejtpërdrejt me krahun e tij pas shpine, siç duhej të bënte?”.

Veprimet e VAR-it janë edhe në sy të Cesarit: "Episodi Musiala-Cucurella për mua është një gabim shumë i rëndë, por pyes veten pse nuk ndërhyri VAR-i. Duhet ta kishin thirrur Taylor përsëri në VAR për ta bërë të gjykonte më shumë, të qartësonte episodin, sepse tashmë kishte shumë dyshime direkt, patjetër që duhet ta kishin bërë atë të rivlerësonte gjithçka në video, ky më dukej se ishte rasti për një rishikim në terren."

B.T (Dosja.al)

Sondazh

Poll

MË SHUMË