Aktualitet

Apartamente, automjete dhe llogari bankare/ I sekuestrohen 500 000 euro pasuri vlonjatit të dënuar për drogë (EMRI)

6 Dhjetor 2019, 08:20 Nga DOSJA
Apartamente, automjete dhe llogari bankare/ I sekuestrohen 500 000 euro pasuri

Vlorë- Me vendim të Gjykatës së Shkallës së Parë i janë sekuestruar në Vlorë, Luan Beshajt 72 vjeç, disa pasuri me vlerë 500 000 euro pasi dyshohet se janë përfituar nga veprimtaria kriminale e pastrimit të parave. Policia sqaron se janë sekuestruar, 2 apartamente banimi në Vlorë dhe Orikum, 1 pemishte në Radhimë, 2 automjete dhe  2 llogari bankare.

Sipas Policisë Luan Beshaj ka qenë më herë i dënuar për trafik droge në Itali dhe që prej vitit 2014 ai ka qenë nën hetim për pastrim parash.

Njoftimi i Policisë:

Sekuestro preventive mbi disa pasuri me vlerë rreth 500 000 euro, që dyshohen se janë përfituar nga veprimtaria kriminale e pastrimit të parave.

Në vijim të punës për gjurmimin, evidentimin dhe sekuestrimin e pasurive të përfituara nga veprimtaria kriminale, si dhe në kuadër të procedimit penal të nisur prej vitit 2014, Seksioni për Hetimin e Krimit Ekonomik e Financiar pranë Drejtorisë Vendore të Policisë Vlorë, në bashkëpunim me Prokurorinë e Vlorës, bënë zbatimin e vendimit penal të Gjykatës së Shkallës së Parë Vlorë, për vendosjen e sekuestros preventive mbi disa pasuri dhe objekte, si më poshtë:

• 2 apartamente banimi në Vlorë dhe Orikum;
• 1 pemishte në Radhimë;
• 2 automjete;
• 2 llogari bankare;

Vlera financiare e këtyre pasurive kap shifrën rreth 500 000 euro.

Këto sekuestrime pasurore janë në kuadër të procedimit penal proaktiv të vitit 2014, ndaj shtetasit L. B., si person i dyshuar për kryerjen e veprës penale “Pastrimi i produkteve të veprës penale ose veprimtarisë kriminale”.

Ky shtetas ka qenë i dënuar në Itali, për veprën penale “Trafikim narkotikësh” dhe dyshohet se këto pasuri i ka ngritur mbi bazën e këtyre veprimtarive të paligjshme.

Veprimet e tjera procedurale vijojnë nga Prokuroria pranë Gjykatës së Shkallës së Parë Vlorë.

J.V/Dosja.al

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet luan beshaj sekuestrohen 500 mijë euro pasuri në vlorë luan beshaj sekuestrohen 500 mijë euro pasuri në vlorë

Sondazh

Poll

Aktualitet 6 Dhjetor 2019, 07:12

Kush e mbron z. Agron Tufa dhe familjen e tij?

TIRANË- Ja dhe lajmi i papritur, i çuditshëm, por edhe shqetësues. Zëri i Amerikës në gjuhën shqipe njoftoi se Agron Tufa, tani ish-Drejtori i Insti...

Aktualitet 5 Dhjetor 2019, 21:30

TIRANË- Analisti Fatos Lubonja komentoi në emisionin “Real Story”, në News24, kërcënimin e kryeministrit Edi Rama ndaj ndërtuesve, se do të përfundojnë në ...

MË SHUMË