Sport

Formula 1/ George Russell befason, fiton mes dramës në Grand Prix të Austrisë…

Oscar Piastri me McLaren u rendit i dyti, ndërsa Carlos Sainz me Ferrari në vendin e tretë…

30 Qershor 2024, 18:36 Nga DOSJA

AUSTRI - Piloti i Mercedes, George Russell mori një fitore të papritur në Grand Prix të Austrisë pas një fundi dramatik, ku Max Verstappen dhe Lando Norris u përplasën midis tyre në betejën për kryesim. Si rrjedhim Verstappen zbriti nga podiumi, ndërsa Norris doli jashtë gare.

Max Verstappen bëri një fillim të fortë dhe kryesoi garën, për pjesën më të madhe të saj. Një duel me rivalin e McLaren, Lando Norris, u shfaq pas ndërrimit të fundit të gomave në xhiron e 52-të ku Red Bull pati një problem me heqjen e gomës së pasme në krahun e majtë.

Me një diferencë më të ulës se 2 sekonda mes tyre, Norris e shfrytëzoi rastin dhe kreu më shumë se një tentativë parakalimi, por në xhiron e 64-t makinat patën një kontakt që u shoqërua me çarje përkatëse të gomave. Kjo i lejoi Russell që dukej i kënaqur me vendin e 3-të, të ngjitej në kryesim të cilin nuk e humbi deri në fundin e garës për fitoren e dytë në karrierën e tij në Formula 1.

Në atë çka mund të quhet ngushëllim për McLaren, Oscar Piastri u rendit i dyti përpara Ferrarit të Carlos Sainz në vendin e tretë, që u ndoq nga Lewis Hamilton përpara Verstappen në vendin e pestë, të cilin e ruajti edhe pse mori një penalitet prej 10” për incidentin me Norris.

Nico Hulkenberg dhe Kevin Magnussen bënë një paraqitje të mirë për Haas duke u renditur në vendet 6-të dhe 8-të respektivisht, ndërsa Sergio Perez u vendos mes tyre në të 7-in.

Dy pikë për RB mori edhe Daniel Ricciardo përpara rivalit të Alpine, Pierre Gasly që plotësoi “Top-10”. Një e dielë për t’u harruar për Charles Leclerc, që pas rekuperimit nga incidenti i xhiros së parë me Piastrin nuk arriti më shumë se vendi i 11-të. Ja dhe renditja e pilotëve pas Grand Prix të Austrisë:

Formula 1/ George Russell befason, fiton mes dramës në Grand Prix

B.T (Dosja.al)

Sondazh

Poll

MË SHUMË