Sport

“Euro 2024”/ Austriaku Laimer, ndjehem si në shtëpi: “Do të bëjmë gjithçka për të fituar”

Austri-Turqia do të luhet në stadiumin RB Leipzig, një ambient që mesfushori i Bayernit e njeh shumë mirë.

30 Qershor 2024, 18:04 Nga DOSJA
“Euro 2024”/ Austriaku Laimer, ndjehem si në shtëpi:

GJERMANI - Futbollisti austriak Konrad Laimer siguroi këtë të dielë në një konferencë për shtyp se skuadra e tij është shumë e motivuar për t'u përballur me Turqinë në fazën e 1/16 të Eurokupës, teksa deklaroi se skuadra e drejtuar nga Ralf Rangnick do të dalë për të fituar ndeshjen.

Nuk ka çerekfinale që nga viti 1954…

Austria pati një fazë të shkëlqyer në grupe, në të cilën ishte lider i Grupit D, përpara skuadrave teorikisht superiore, si Franca dhe Holanda. Tani ata do të përballen me Turqinë këtë të martë, me synimin për të luajtur një raund, në çerekfinale, të cilën nuk e kanë arritur në një kompeticion të madh, që nga Botërori 1954 në Zvicër. Dhe Laimer e bëri të qartë, se ekipi i tij do të bëjë gjithçka për të arritur një fitoren.

“Sigurisht që Turqia do të vijë me shumë pasion në këtë ndeshje, por ne do të kemi të paktën të njëjtën gjë. Jemi në 1/16 e Eurokupës. Jemi të motivuar dhe sigurisht që duam të fitojmë,"- komentoi Laimer.

Mesfushori i Bayern Munichut do të luajë në një mjedis që e njeh në mënyrë të përsosur, stadiumin RB Leipzig, një klub për të cilin ka luajtur për gjashtë sezone. Për këtë arsye ai deklaroi se ishte shumë i lumtur që u rikthye në fushën e tij të dikurshme:

“Udhëtimi është ideal për ne, sepse kemi udhëtuar vetëm dy orë. Për mua është gjithashtu i këndshëm personalisht, sepse kam luajtur në këtë stadium për një kohë të gjatë. Aty kam jetuar momente të bukura: “Është një gjë e mrekullueshme të luash në Eurokupë, kështu që unë dua të fitoj”.

Nga ana e tij, bashkëlojtari i tij Kevin Danso theksoi rëndësinë që Austria ta nisë mirë ndeshjen dhe kujtoi se kohët e fundit kanë arritur të dalin mirë në fushë: “Kemi shënuar shumë gola në dhjetë minutat e para dhe gjithmonë japim gjithçka që nga fillimi. Nëse shënojmë një gol të hershëm, do të jetë më e lehtë”.

B.T (Dosja.al)

Sondazh

Poll

MË SHUMË