Sport

Riccardo Calafiori, mbrojtësi në modë që ndjek Madridi dhe "dëmtimi rëndë i tij”…

Në Itali publikojnë se Riccardo Calafiori, i cili ka shkuar nga 20 milionë në 60, është në orbitën e skuadrave si Juventus, Real Madrid, Tottenham dhe Arsenal.

28 Qershor 2024, 11:12 Nga DOSJA

GJERMANI - Riccardo Calafiori, mbrojtësi në kontratë me Bologna deri në vitin 2027, është kthyer në një nga sensacionet më të mëdha të Italisë në Euro 2024.

Mbrojtësi në zhvillim 22-vjeçar e ka shfajësuar veten këtë sezon te Bologna e Thiago Mottas, duke e rritur çmimin e tij në pak muaj, nga 20 milionë në 60 milionë që do të vlente aktualisht pas paraqitjeve të tij me "Azzurra".

Mbrojtësi i Bolognës është tashmë në axhendën e klubeve të mëdha europiane dhe gazeta ‘La Gazzetta dello Sport’ publikon se “janë krijuar kushtet për një ankand në rritje në nivel europian” për italianin.

Giovanni Albanese raporton se Juventus, Real Madrid, Tottenham dhe Arsenal janë disa nga skuadrat që po i kushtojnë vëmendje situatës së tregut të Calafiorit.

Riccardo Calafiori, i lindur në Romë më 19 maj 2002, është një mbrojtës elegant 22-vjeçar, 1.88 m këmbë të majtë.

Në moshën 16-vjeçare, mbrojtësi italian pësoi një nga dëmtimet më të rënda, që janë parë në futboll dhe që “shihet vetëm në motokros”: këputja e të gjitha ligamenteve të gjurit të majtë, meniskut dhe kapsulës.

"Diçka e tillë zakonisht ndodh vetëm në motocross, jo në futboll. Është një dëmtim që ndodh vetëm një herë në 10 vjet",- ka analizuar një mjek në 'Corriere dello Sport' për dëmtimin e rëndë të Calafiorit, i cili ishte jashtë fushës për 347 ditë.

Riccardo Calafiori, mbrojtësi në modë që ndjek Madridi dhe

Por dëmtimi i rëndë shërbeu si motivim i Calafiorit për t'u bërë futbollist profesionist: "Ishte hapi që më bëri të kuptoja se mund të bëhesha një futbollist i nivelit të lartë, veçanërisht mendërisht. Përballë çdo vështirësie gjithmonë mendoj për atë që bëj dhe po ec përpara më i fortë se më parë”.

Roma, Genova, Basel dhe Bologna janë skuadrat në të cilat ka luajtur i riu dhe në zhvillim Riccardo Calafiori, i cili debutoi me kombëtaren italiane më 4 qershor 2024 në një miqësore kundër Turqisë.

B.T (Dosja.al)

Sondazh

Poll

MË SHUMË