Aktualitet

EMRI/ Në kërkim për shpërdorim detyre dhe korrupsion, arrestohet nga AMP inspektori i Policisë (VIDEO)

Mësohet se Tereziu kalonte qytetarë drejt BE-së kundrejt parave.

27 Qershor 2024, 15:56 Nga S.B
EMRI/ Në kërkim për shpërdorim detyre dhe korrupsion,
foto nga AMP

TIRANË- Agjencia e Mbikëqyrjes Policore ka arrestuar ditën e sotme një inspektor policie të shpallur në kërkim. Mësohet se inspektori 39-vjeçar Briken Tereziu, ka shpërdoruar detyrën si dhe akuzohet për korrupsion pasiv i personave që ushtrojnë funksione publike.

39-vjeçari është dënuar nga Gjykata e Tiranës me burg për veprat penale të lartëpërmendura. Mësohet se Tereziu kalonte qytetarë drejt BE-së kundrejt parave ose rryshfetit. 

 

Njoftimi i AMP:

Agjencia e Mbikëqyrjes Policore (Rajoni Tiranë) ka arrestuar një punonjës policie të shpallur në kërkim, me masë sigurie “Arrest në burg”.

Në vijim të komunikatës së datës 04.06.2024, mbi ekzekutimin e masave të sigurimit personal ndaj 8 punonjësve të policisë, efektivë në Komisariatin e Policisë Kufitare Aeroporti Rinas dhe pas shpalljes në kërkim të punonjësit të policisë, Inspektor B. T., 39 vjeç, i dyshuar për kryerjen e veprës penale “Shpërdorim detyre” dhe “Korrupsion pasiv i personave që ushtrojnë funksione publike”, Agjencia e Mbikëqyrjes Policore ka bërë të mundur sot arrestimin dhe ekzekutimin e masës së sigurimit personal “Arrest në burg”, të vendosur ndaj tij nga Gjykata e Shkallës së Parë të Juridiksionit të Përgjithshëm Tiranë.

Caktimi i masave të sigurimit personal ndaj punonjësve të policisë u bë i mundur si rezultat i hetimeve disa mujore të zhvilluara nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, duke aplikuar edhe metoda speciale të hetimit, nëpërmjet të cilave u siguruan prova dhe fakte për implikimin e tyre në veprimtari kriminale.

amp inspektor policie korrupsion

Sondazh

Poll

MË SHUMË