Bota

Aeroplanmbajtësja amerikane mbërrin në Korenë e Jugut për stërvitje të përbashkëta ushtarake

Udhëheqësit e të tre vendeve ranë dakord gjatë një takimi të nivelit të lartë gushtin e vitit të shkuar për të kryer stërvitje të përbashkëta ushtarake vjetore, në kuadër të përpjekjeve për unitet përballë fuqisë në rritje të Kinës dhe kërcënimeve bërthamore nga Koreja e Veriut.

22 Qershor 2024, 16:35 Nga E. D

Aeroplanmbajtësja amerikane mbërrin në Korenë e Jugut

KOREJA E JUGUT- Aeroplanmbajtësja amerikane Theodore Roosevelt mbërriti të shtunën në qytetin portual Busan të Koresë së Jugut për të marrë pjesë në stërvitjet e përbashkëta ushtarake më vonë gjatë këtij muaji me vendin pritës dhe Japoninë. Udhëheqësit e të tre vendeve ranë dakord gjatë një takimi të nivelit të lartë gushtin e vitit të shkuar për të kryer stërvitje të përbashkëta ushtarake vjetore, në kuadër të përpjekjeve për unitet përballë fuqisë në rritje të Kinës dhe kërcënimeve bërthamore nga Koreja e Veriut. 

"Në stërvitjet e këtij muaji, nën emrin Pragu i Lirisë (Freedom Edge), forcat detare të të treja vendeve do të kryejnë manovra detare, stërvitje luftarake anti-nëndetëse dhe stërvitje të mbrojtjes ajrore. Synojmë të përmirësojmë ndërveprimin midis marinave tona dhe të sigurohemi që jemi të gatshëm t'i përgjigjemi çdo krize apo emergjence," tha kundëradmirali amerikan Christopher Alexander.

Vitin e kaluar Shtetet e Bashkuara, Japonia dhe Koreja e Jugut kryen stërvitjet trepalëshe me qëllim përmirësimin e aftësive për të reaguar ndaj kërcënimeve të Koresë së Veriut. Presidenti rus Vladimir Putin vizitoi Korenë e Veriut javën e shkuar, për herë të parë pas 24 vjetësh dhe firmosi një marrëveshje me udhëheqësin Kim Jong Un, që përfshin ndër të tjera zotimin e palëve për të ndihmuar njera tjetrën në rast të një sulmi.

Sondazh

Poll

MË SHUMË