Politike

Berisha: Rama ka firmosur një vendim për marrë çdo kompetencë të qeverisë vendore duke shkelmuar Kushtetutën

Berisha gjatë fjalës para demokratëve theksoi se Rama ka firmosur një vendim për marrë çdo kompetencë të qeverisë vendore duke shkelmuar Kushtetutën.

21 Qershor 2024, 20:53 Nga I.A
Berisha: Rama ka firmosur një vendim për marrë çdo
Sali Berisha

TIRANË- Kryedemokrati Sali Berisha ka deklaruar se kryeministri Edi Rama është përfshirë në një tjetër skandal. Berisha gjatë fjalës para demokratëve theksoi se Rama ka firmosur një vendim për marrë çdo kompetencë të qeverisë vendore duke shkelmuar Kushtetutën.

"Miqtë e mi, gjithçka ky regjim bën për të mbuluar krimet e shëmtuara që kryen, Edi Rama ka firmosur një vendim për të shkelmuar për të satën e satën herë Kushtetutën. Merr çdo kompetencë të qeverisë vendore, ne një kohë kur urbanistika, lejet e ndërtimit janë të gjitha atribute të qeverisë vendore në përputhje me Kushtetutën, në përputhje me Kartën e Kongresit të Autonomisë Lokale dhe Rajonale të Europës. Por makutëria e tij, pangopësia e tij nuk ka kufi. Ai do 30-përqindëshin për çdo ndërtim, kudo që kryhet në të katër anët e vendit. Nga kullat, monumente të shëmtuara të drogës dhe korrupsionit dhe tek shtëpitë që ndërtohen me mundin dhe djersën e qytetarëve. Ndaj dhe ftesa është për çdo qytetar, të ngrihemi në këmbë kundër këtij regjimi antishqiptar. Kundër këtij regjimi që po vjedh, varfëron dhe mjeron çdo ditë qytetarët e këtij vendi," tha Berisha.

sali berisha

Sondazh

Poll

MË SHUMË