Bota

Sekuestrimi i aseteve ruse në Perëndim, Moska paralajmëron hakmarrje me të njëjtën mënyrë

Javën e kaluar, liderët e G7 ranë dakord në një samit në Itali që të përdorin interesat nga asetet ruse të ngrira në Perëndim për t’i dhënë Ukrainës një kredi prej 50 miliardë dollarësh.

19 Qershor 2024, 19:00 Nga E. D
Sekuestrimi i aseteve ruse në Perëndim, Moska paralajmëron
Maria Zakharova

RUSI- Zëdhënësja e Ministrisë së Jashtme Maria Zakharova tha se Rusia ka sasi të konsiderueshme të aseteve dhe pronave perëndimore në territorin e saj, të cilat mund të jenë objektiva për hakmarrje nga Moska nëse Perëndimi sekuestron të ardhurat nga asetet ruse. Javën e kaluar, liderët e G7 ranë dakord në një samit në Itali që të përdorin interesat nga asetet ruse të ngrira në Perëndim për t’i dhënë Ukrainës një kredi prej 50 miliardë dollarësh. Por Rusia tani ka thënë se veprimi është i paligjshëm dhe do të përgjigjet kundër Perëndimit.

“Vendi ynë ka sasi të konsiderueshme të fondeve dhe pronave perëndimore që janë nën juridiksionin rus; e gjithë kjo mund të jetë subjekt i politikave hakmarrëse ruse dhe veprimeve hakmarrëse. Sigurisht, askush nuk do t’jua zbulojë natyrën e këtyre veprimeve hakmarrëse. Por arsenali i kundërmasave politike dhe ekonomike është i gjerë”, theksoi ajo.

maria zakharova

Sondazh

Poll

MË SHUMË