Bota

Kandidoi për të qenë kreu i NATO-s, Presidenti rumun pritet të tërhiqet

Ai është pengesa e vetme në rrugën e kryeministrit të Holandës, Mark Rutte, për ta marrë postin e sekretarit të Përgjithshëm të aleancës ushtarake.

19 Qershor 2024, 15:32 Nga M.B
Kandidoi për të qenë kreu i NATO-s, Presidenti rumun pritet
Presidenti i Rumanisë, Klaus Iohanniss (i treti nga e djathta) merr pjesë në një takim të NATO-s bashkë me zyrtarë të tjerë rumunë.

RUMANIA- Presidenti i Rumanisë, Klaus Iohannis, pritet të njoftojë më 20 qershor se do të heqë dorë nga gara për t’u bërë shef i ardhshëm i NATO-s. Ai është pengesa e vetme në rrugën e kryeministrit të Holandës, Mark Rutte, për ta marrë postin e sekretarit të Përgjithshëm të aleancës ushtarake.

Duke folur në Bukuresht më 19 qershor, pas një takimi me presidentin italian Sergio Mattarella, Iohannis tha se së pari do të bisedojë rreth vendimit të tij me Këshillin Suprem të Mbrojtjes Kombëtare të Rumanisë dhe pastaj do ta bëjë atë publik.

Më herët gjatë ditës, Hungaria dhe Sllovakia thanë se do ta mbështesin Rutten, duke e lënë Rumaninë shtetin e vetëm në mesin e 32 vendeve anëtare të NATO-s që nuk e ka mbështetur liderin holandez 57-vjeçar./ REL

klaus iohannis

Sondazh

Poll

Bota 19 Qershor 2024, 15:06 M.B

Izraeli kryen sulm vdekjeprurës në Siri

Një sulm ajror në provincën Kuneitra të Sirisë. Fotografi ilustruese nga arkivi. LINDJE E MESME- Një oficer i ushtrisë s...

MË SHUMË