Sport

Bajrami: “Dhamë maksimumin, tani të mendojmë për Kroacinë”

“Do të vazhdojmë të luftojmë për çdo top edhe në ndeshjet e radhës”.

16 Qershor 2024, 04:43 Nga DOSJA
Bajrami: “Dhamë maksimumin, tani të mendojmë për

GJERMANI - Nedim Bajrami shënoi golin më të shpejtë në historinë e Kampionateve Europiane, pas vetëm 23 sekondash lojë ndaj Italisë, por pavarësisht kësaj, kuqezinjtë dolën të mundur 2-1 nga kampionët në fuqi të Europës.

Pas ndeshjes fantazisti kuqezi deklaroi se skuadra dha maksimumin dhe se tashmë duhet të kthejë shpejt faqen e të mendojë për ndeshjen e radhës, ndaj Kroacisë.

Shënuat gol, por e nisëm me humbje këtë Europian…

E dinim që Italia është një skuadër shumë e fortë, por dhamë të gjithë maksimumin. Është arritje e madhe që jemi këtu dhe do të vazhdojmë të luftojmë për çdo top edhe në ndeshjet e radhës.

Çfarë mund të bënim ndryshe në këtë takim?

Dhamë maksimumin, por tani duhet të nisim të mendojmë shpejt për ndeshjen e radhës ndaj Kroacisë, pasi nuk kemi kohë.

Ju vjen keq për atë rast të humbur nga Manaj në fund?

Asllani i dha një top perfekt dhe Manaj e mori shumë mirë, por ky është futbolli. Ne duhet të luftojmë për çdo rast dhe të bëjmë maksimumin.

B.T (Dosja.al)

Sondazh

Poll

MË SHUMË