Sport

Gjimshiti: “I lejuam shumë hapësira Italisë, tifozëria jonë, më e bukura në botë”

“Ka gjëra që duhen përmirësuar, i kemi lejuar shumë hapësira Italisë, e kemi lejuar të vijë lehtësisht në zonën tonë”

16 Qershor 2024, 04:50 Nga DOSJA
Gjimshiti: “I lejuam shumë hapësira Italisë, tifozëria

GJERMANI - Pas ndeshjes Italia-Shqipëri (2-1), kapiteni i kuqezinjve, Berat Gjimshiti, u shpreh: “Besoj që performanca nuk ishte aq e mirë siç e kishim përgatitur.

Ka gjëra që duhen përmirësuar, i kemi lejuar shumë hapësira Italisë, e kemi lejuar të vijë lehtësisht në zonën tonë. Pas katër ditësh kemi ndeshjen me Kroacinë, duhet të përgatitemi mirë dhe të marrim pike”.

Presioni? “Momenti i pësimit është më i vështiri, gjëja më pozitive e kësaj nate është që kemi mbetur në lojë deri në fund, me pak fat mund të kishim barazuar. Duhet përvojë dhe punë, nuk është e thjeshtë të luash kundër kombëtareve të mëdha, duhet të përballosh presionin dhe t’i bësh dëm kundërshtarit.”

Problemet në mbrojtje? “Për fazën difensive nuk është se kemi punuar shumë mirë, duhej të ndërprisnin ritmin e kundërshtarit, të bënim edhe faulla. Është gjëja që duhet të përmirësojmë.

Duhet të bëjmë më pak presion që të mos i lejojmë që të vijnë në zonat tona të rrezikshme. Nuk kemi shumë kohë, por me videoanaliza do të bëjmë diçka”.

Atmosfera e tifozëve? “Tifozëria është më e bukura në botë, dua t’i falënderoj të gjithë shqiptarët nëpër botë, ishte atmosferë fantastike. Janë motivim i madh për ne, pse jo që t’i befasojmë kundërshtarët në ndeshjet e mbetura.”

B.T (Dosja.al)

Sondazh

Poll

MË SHUMË