Bota

Zgjedhjet e ardhshme parlamentare, mijëra njerëz marshojnë nëpër Francë kundër të djathtës ekstreme

Pas rritjes së RN-së në zgjedhjet evropiane të së dielës së kaluar, policia tha se 350,000 njerëz pritej të marshonin dhe 21,000 oficerë ishin mobilizuar pasi sindikatat e punës, grupet studentore dhe grupet e të drejtave bënë thirrje për mitingje për të kundërshtuar partinë anti-emigracion, euroskeptike.

15 Qershor 2024, 14:41 Nga M.B

 

Zgjedhjet e ardhshme parlamentare, mijëra njerëz marshojnë
Protesta

FRANCA- Në Paris dhe qytete anembanë Francës të shtunën priten protesta të shumta kundër Tubimit Kombëtar të ekstremit të djathtë (RN) përpara zgjedhjeve të ardhshme për parlamentin. Pas rritjes së RN-së në zgjedhjet evropiane të së dielës së kaluar, policia tha se 350,000 njerëz pritej të marshonin dhe 21,000 oficerë ishin mobilizuar pasi sindikatat e punës, grupet studentore dhe grupet e të drejtave bënë thirrje për mitingje për të kundërshtuar partinë anti-emigracion, euroskeptike.

Të paktën 150 marshime priten në qytete duke përfshirë Marsejën, Tuluzën, Lionin dhe Lilin. Në Paris, ku pritej të dilnin deri në 100,000 njerëz, një marshim nisi në orën 12:00 nga Place de La Republique, në lindje, duke kaluar përmes sheshin Bastille për në Nation.

Duke folur nga Place de Republique, drejtuesja e sindikatës CGT e së majtës Sophie Binet u tha gazetarëve: "Ne po marshojmë sepse jemi jashtëzakonisht të shqetësuar se (kreu i RN) Jordan Bardella mund të bëhet Kryeministri i ardhshëm. Ne duam ta parandalojmë këtë fatkeqësi."

franca

Sondazh

Poll

MË SHUMË