Sport

Deschamps mund të surprizojë, do t’i besojë fanelën e Francës një të riu… në "Euro 2024"

Didier Deschamps duket i hapur për të ndryshuar hierarkinë në skuadër për një lojtar që e tërheq gjithnjë e më shumë.

14 Qershor 2024, 17:22 Nga DOSJA
Deschamps mund të surprizojë, do t’i besojë fanelën e

GJERMANI - Didier Deschamps e tregoi gjatë garave të fundit të skuadrës franceze. Trajneri i Bluve nuk ka hezituar asnjëherë të ndërmarrë veprime duke ndryshuar planet që dukeshin të vendosura në gur.

Dhe për këtë edicion 2024, një lojtar mund të përfitojë nga kjo sipas RMC Sport. William Saliba, autor i një sezoni mbresëlënës te Arsenali me 50 ndeshje të luajtura, aspiron të bëhet titullar në skuadrën e Francës për “Euro 2024”.

Në moshën 23-vjeçare, ai tashmë ka fituar pikë gjatë stërvitjeve dhe ndeshjeve miqësore, si gjatë paraqitjes së tij solide kundër Kanadasë (0-0). Sidoqoftë, konkurrenca është e ashpër me lojtarët me përvojë, si Dayot Upamecano dhe Ibrahima Konaté, të cilët luajtën më pak për klubin në fund të sezonit, por mbeten të vlerësuar nga Didier Deschamps.

Trajneri francez, i cili e vlerëson shumë Salibën, planifikon t'i japë atij më shumë kohë për lojë në krahasim me Botërorin 2022, ku Saliba bëri vetëm një ndeshje. Deschamps, marsin e kaluar, bëri një vërejtje për paraqitjet e tij, duke treguar se ai alternonte momentet e forta dhe aspektet më pak të kënaqshme, por ai i njeh cilësitë e tij, veçanërisht në rifillimin.

Saliba, i cili është bërë referencë në Premier League dhe shtyllë e sezonit të mrekullueshëm të Arsenalit, mund të dëshmojë veten më 17 qershor kundër Austrisë në Düsseldorf. Nëse jo, ai gjithsesi pritet të luajë më shumë se në Botërorin e Katarit.

B.T (Dosja.al)

Sondazh

Poll

MË SHUMË