Art&Argëtim

Mori doza "vdekjeprurëse" valiumi, Celine Dion tregon momentet e vështira të sëmundjes: Nuk e dija se mund të më vriste

56-vjeçarja zbuloi se si mori diazepam, një ilaç i njohur zakonisht si Valium, për të ndihmuar në relaksimin e "të gjithë trupit" por që nuk ishte në dijeni të pasojave.

12 Qershor 2024, 14:21 Nga S.B
Mori doza "vdekjeprurëse" valiumi, Celine Dion tregon momentet e
Celine Dion

SHBA- Këngëtarja kanadeze Celine Dion pranoi se mori doza valiumi të rrezikshme për jetën, për ta ndihmuar në lehtësimin e spazmave të muskujve në mënyrë që të mund të performonte në skenë. 56-vjeçarja zbuloi se si mori diazepam, një ilaç i njohur zakonisht si Valium, për të ndihmuar në relaksimin e "të gjithë trupit" por që nuk ishte në dijeni të pasojave.

Varësia e saj nga dozat erdhi në vitet që çuan në diagnozën me sindromën e personit të ngurtë. Sëmundja e pashërueshme është një çrregullim i rrallë neurologjik që shkakton ngurtësi dhe spazma progresive muskulare - dhe mund të lehtësohet me qetësues dhe relaksues të muskujve së bashku me terapi fizike dhe profesionale.

Superylli i muzikës, e cila ka shitur më shumë se 250 milionë albume dhe hitet e së cilës përfshijnë ‘My Heart Will Go On’, ‘Think Twice’ dhe ‘It's All Coming To Me Now’, zbuloi diagnozën e saj në dhjetor 2022 dhe më vonë u detyrua të anulonte turneun e saj botëror ‘Courage’.

“Nuk e dija, sinqerisht, se mund të më vriste.” tha Dion. “Unë merrja, për shembull, para një shfaqjeje, 20 miligramë Valium, dhe më pas vetëm duke ecur nga dhoma ime e zhveshjes në prapaskenë, tashmë ishte zhdukur. Mësohesh, nuk funksionon”.

Pavarësisht diagnozës së saj, Dion tha se ka në plan të performojë përsëri.

celine dion

Sondazh

Poll

MË SHUMË