Sport

ZYRTARE/ Legjenda Miroslav Klose, trajneri i ri i Nurembergut…

Miroslav Klose është trajneri i ri i FC Nuremberg, skuadër në Bundesligën 2. Klubi zyrtarizoi ardhjen e legjendës gjermane mëngjesin e kësaj të marte.

11 Qershor 2024, 14:53 Nga DOSJA
ZYRTARE/ Legjenda Miroslav Klose, trajneri i ri i Nurembergut…

GJERMANI - Miroslav Klose ka nënshkruar kontratën e mëngjesit të kësaj të marte si trajner i ri i FC Nuremberg, skuadër në Bundesligën 2. Ish-ndërkombëtari gjerman do të marrë detyrat e tij më 24 qershor, kur nisin përgatitjet për sezonin e ri.

“Tradita, pasioni, puna e ndershme, tifozët e shkëlqyer, këto janë të gjitha gjërat që më pëlqejnë në futboll dhe i lidh me FC Nuremberg. Kjo është arsyeja pse unë shfrytëzova menjëherë mundësinë për t'u bërë trajner këtu”,- tha ai gjatë prezantimit të tij në klub, së bashku me drejtorin sportiv Joti Chatzialexiou.

Ish-sulmuesi e filloi karrierën e tij si trajner në vitin 2016, si asistent i kombëtares gjermane, më pas drejtoi ekipin U17 të Bayern Munich nga viti 2018. Klose (46) më pas punoi si ndihmës trajner i Bayernit për një vit (2020-2021). Kohët e fundit, ai ishte trajner i një klubi austriak të kategorisë së parë, SCR Altach.

B.T (Dosja.al)

Sondazh

Poll

Sport 11 Qershor 2024, 14:43

Holanda bën thirrje për përforcime!...

HOLANDE - Pavarësisht ndeshjeve të suksesshme miqësore kundër Kanadasë (4-0) dhe Islandës (4-0), Holanda po përjeton disa mom...

MË SHUMË