Politike

Denoncimi i PD, Vangjeli: Pjerin Ndreu, tendera miliona euro dhëndrit të Arben Ndokës për të mbajtur pushtetin

Vangjeli tha se “Eurocompany” shpk ishte kontraktori i cili zbatoi kontratën nr. 23676/23, datë 19 prill 2021 me objekt: “Riforcim i njësive të banimit, pallatet e dëmtuara nga tërmeti” dhe që përfitoi 1.7 milionë euro.

8 Qershor 2024, 13:39 Nga M.B
Denoncimi i PD, Vangjeli: Pjerin Ndreu, tendera miliona euro dhëndrit
Genta Vangjeli

TIRANA- Zëdhënësja e Departamentit Antikorrupsion në Partinë Demokratike, Genta Vangjeli, në një deklaratë publike sot tha se kryebashkiaku i Lezhës, Pjerin Ndreu, i besoi dhëndrit të kolegut socialist në Kuvend, procesin e rindërtimit me kontrata të majme. Vangjeli tha se “Eurocompany” shpk ishte kontraktori i cili zbatoi kontratën nr. 23676/23, datë 19 prill 2021 me objekt: “Riforcim i njësive të banimit, pallatet e dëmtuara nga tërmeti” dhe që përfitoi 1.7 milionë euro. Ajo shtoi se kjo është forma që Pjerin Ndreu dhe kryeministri Edi Rama sigurojnë mbajtjen e pushtetit dhe mandateve në vijim.

Deklarata e plotë:

Arian Tuku i arrestuar pas zbardhjes së bisedave në SKY EC mes bosëve të krimit dhe njerzve të tyre në pushtet dhe polici, është dhëndri i Arben Ndokës, ish-deputetit të PS-së, i cili po ashtu është në kërkim. Arian Turku është pronar i subjektit Eurocompany shpk krijuar në vitin 2018.

Pjerin Ndreu, kryetar i bashkisë së Lezhë i besoi dhëndrrit të kolegut socialist në Kuvend, procesin e rindërtimit me kontrata të majme. “Eurocompany” shpk ishte kontraktori i cili zbatoi kontratën nr. 23676/23, datë 19 prill 2021 me objekt: “Riforcim i njësive të banimit, pallatet e dëmtuara nga tërmeti”.

Sipas të dhënave të Spending Data, një burim serioz për të evidentuar lidhjet e pushtetit me korrupsionin, që ka mbetur pa financime pikërisht për të të pamundësuar nxjerrjen e të dhënave që vërtetojnë këto lidhje, “Eurocompany” përfitoi 1.7 milion euro vetëm nga qershori 2021 deri dhjetor 2022.

Qarku i klikës kriminale në pushtet mbyllet sipas formulës: Zhvat Shqipërinë për të vjedhur zgjedhjet dhe vidh zgjedhjet për të zhvatur Shqipërinë! Kështu Pjerin Ndreu dhe Edi Rama sigurojnë mbajtjen e pushtetit dhe mandateve në vijim.

Pasi dekriminlizimi u largon Arben Ndokën, ai fut dhëndrrin në lojë nëpërmjet Pjerin Ndreut me lejen e Edi ramës në mënyrë që edhe pse kokat ndryshojnë, pushteti të vazhdojë. Nuk thonë kot: të gjithë rilindësit e kuq një turi kanë!

 

genta vangjeli

Sondazh

Poll

MË SHUMË